Novas

03-10-2022 -
03-10-2022 -
Cultura

A Biblioteca Municipal Pérez Parallé trae este xoves a Fene ao Mago Teto

Un dos magos máis veteranos e sobranceiros da escena galega, o Mago Teto, actúa este xoves, 6 de outubro, na biblioteca municipal de Fene. Presentará o espectáculo “4500 anos da incrible historia da maxia” co que pretende “espertar o interese pola arte da maxia na xente, e nas persoas que xa son afeccionadas á maxia, achegándoas á historia de tan apaixonante e sorprendente mundo”. A función comezará o xoves ás 18 horas pero, para asistir, cómpre reservar praza previamente na biblioteca, presencialmente ou por teléfono no 981 34 23 02. Horario: de 16.00 a 21.00 horas.
Ver máis
30-09-2022 -
30-09-2022 -
Fene ao día

O Concello de Fene inicia a restauración dos soportais da praza do Alcalde Ramón José Souto González

Hai tan só uns días comezaron as obras de renovación da pintura dos porches e do balcón da casa consistorial de Fene. Os traballos, adxudicados á empresa Prace Obras y Servicios, supoñen un investimento lixeiramente superior aos 61.000 euros, e con eles faráselle un profundo lavado de cara ao entorno da praza do Alcalde Ramón José Souto González, escenario dos eventos principais organizados polo Concello ao longo do ano.  Os traballos iniciáronse co lavado a presión e o lixado de todas as superficies para deixalas totalmente limpas e para retirar descamacións de pintura e cemento que puidesen afectarlle á adherencia do emplastecido e da pintura que, previsiblemente, se empezará a aplicar a semana que vén ante as previsións de tempo seco. 
Ver máis
30-09-2022 -
30-09-2022 -
Deporte

As Andainas por Fene percorrerán Maniños o venres 7 de outubro

Xa está aberto o prazo para apuntarse na ruta por Maniños que organizan a Concellería de Deportes e a SCRD O Pote para o venres, 7 de outubro, a partir das 17.30 horas. A andaina comezará no local da entidade e percorrerá O Conde, Boado, O Seixo, Peirao do Seixo e a praia de Maniños, para voltar ao punto de saída tras percorrer uns 6 quilómetros de dificultade media e cunha duración aproximada de dúas horas e media. A participación é de balde, pero cómpre anotarse (antes do venres 7 de outubro ás 13.30 horas) no teléfono 609 435 941.
Ver máis
29-09-2022 -
29-09-2022 -
Benestar e igualdade

Abre o prazo de inscrición para o programa de envellecemento activo e participación social "Seráns activos 2022"

A Concellaría de Benestar Social e Igualdade vén de lanzar unha nova convocatoria do programa “SERÁNS ACTIVOS” no que se enmarcan os obradoiros de “Espazo memoria” e “Lembranzas” que se desenvolverán de forma itinerante polas diferentes parroquias do concello a través das entidades veciñais e culturais (as entidades colaboran facilitando os locais dacordo coa súa dispoñibilidade horaria). A maiores, o obradoiro de “Recuperación da memoria” realizarase no Centro Sociocomunitario de Fene. Todos os talleres ofertanse cunha periodicidade semanal e cunha duración de 1h e 30 minutos, a partir do 4 de outubro e até o mes de xuño. O prazo de matrícula xa está aberto, ata que se cubran as prazas ofertadas, por orde de inscrición (15 prazas por grupo). E, para matricularse, cómpre entregar cuberta a folla de inscrición (documento adxunto) no centro municipal de Servizos sociais ou na caixa de correo servizos.sociais@fene.gal.
Ver máis
28-09-2022 -
28-09-2022 -
Deporte

Horarios de adestramento dos pavillóns polideportivos municipais

A Concellería de Deportes publica os horarios de adestramento dos pavillóns polideportivos municipais de "A Xunqueira" en San Valentín e de "O Ramo" en Barallobre durante a tempada 2022/2023. Unha vez rematado o prazo de solicitudes de adestramento nos pavillóns polideportivos municipais do Concello de Fene para equipos de fóra do concello, asociacións e particulares; achégase o horario de adestramento, confeccionado segundo as solicitudes recibidas e o Regulamento de Réxime Interior de Instalacións Deportivas do concello. Como noutros anos, os ocos que queden libres poden ser solicitados ao longo da tempada no telf. 981.49.28.04 da administración do pavillón da Xunqueira.
 
Ver máis
27-09-2022 -
27-09-2022 -
Fene ao día

O Concello de Fene asume a reparación de 400 metros de paseo costeiro

O departamento municipal de Obras de Fene encargou hai escasos días a reparación dun tramo da pasarela que bordea a ría como continuación do paseo de San Valentín, clausurada a principios de xullo por mor dos desperfectos que presentaba. Os traballos, que xa se están executando, abranguen uns 400 metros de plataforma nos que se está retirando vexetación, cambiando madeira e mellorando a drenaxe para previr o seu deterioramento prematuro. O investimento supera os 11.000 euros e con el o consistorio intervén de urxencia "facendo unha reparación que debería ser executada pola Demarcación de Costas do Ministerio para a Transición ecolóxica". O Goberno local denuncia que a precariedade e inseguridade do paseo foi comunicada "varias veces" nos últimos meses e que, porén, desde o ente estatal "non se lle deu unha solución ao problema", malia tratarse dunha zona pola que transitan ducias de persoas todos os días.
Ver máis
27-09-2022 -
27-09-2022 -
Deporte

A segunda “Andaina por Fene” percorrerá este domingo a parroquia de Limodre

Xa está aberto o prazo para apuntarse na ruta por Limodre que organizan a Concellería de Deportes e a AVV Limodre para este domingo, 2 de outubro, a partir das 10.00 horas. A andaina comezará no local da entidade e percorrerá o Campanario, Prismos, Marco de San Lourenzo, Río Castro, Muíño das Mareas, Almieiras, Rachabordos e Río Sandeu, para voltar ao punto de saída tras percorrer uns 8 quilómetros de dificultade media e cunha duración aproximada de 3 horas. A participación é de balde, pero cómpre anotarse (antes do venres ás 13.00 horas) nos teléfonos 696 633 772 – 651 884 692, ou por correo electrónico en asocveclimodre@gmail.com
Ver máis
27-09-2022 -
27-09-2022 -
Benestar e igualdade

Afal e o Concello de Fene organizan o curso “Atención Especializada en Alzhéimer e Demencias” para familias e persoas coidadoras

O Concello de Fene dende a Área de Benestar e Igualdade acollerá os días 5 e 7 de outubro o curso “Atención Especializada en Alzhéimer e Demencias”, dirixido a familias e coidadores/as de persoas afectadas de deterioro cognitivo e dependentes en xeral. O curso está impartido por persoal técnico de Afal Ferrolterra e vaise desenvolver na Casa da Cultura de Fene, nos días sinalados, de 16:30 a 18:00 horas. A participación é gratuíta, con inscrición previa no departamento municipal de Servizos Sociais -981 342607/ 981 49 27 06 ou correo servizos.sociais@fene.gal. Actividade aberta a toda a poboación. 
Ver máis
26-09-2022 -
26-09-2022 -
Fene ao día

Rematan as obras de reurbanización das torres I, II e III de San Valentín

Nestes días concluíu unha nova fase de mellora da accesibilidade, dos servizos soterrados e do aspecto xeral de San Valentín, concretamente a referida á contorna das torres I, II e III, situadas no centro do barrio. Alí acometeuse o cambio das beirarrúas seguindo a estética de fases anteriores e o aglomerado do aparcadoiro interior, onde foi necesario reordenar as prazas ante o aumento do espazo dedicado ao tránsito de viandantes. Ademais tamén se aproveitou para repoñer canalizacións soterradas da rede de sumidoiros e de evacuación de pluviais. O investimento total ascende a 182.710 euros -IVE incluído- financiados con fondos do POS+ da Deputación da Coruña. 
Ver máis
26-09-2022 -
26-09-2022 -
Cultura

A Casa da Cultura acolle a presentación do libro “10 de marzo: un conflicto del movimiento obrero por la democracia”

Organizada pola AC Fuco Buxán e a Asociación Memoria Histórica Democrática, coa colaboración do Concello de Fene, terá lugar o mércores 28 de setembro ás 19:30 h. O acto principiará coa intervención do alcalde de Fene, Juventino Trigo Rey, quen dará paso á proxección do documental “10 de Marzo” con guión e dirección a cargo de Beatriz del Monte. De seguido, o xornalista Nico Vidal, conducirá un faladoiro baixo o título “10 de Marzo do 72. Presente e futuro” que contará coa participación de Rafael Pillado, cofundador das CCOO e do Partido Comunista de Galicia e Sari Alabau, profesora, militante do PCG e presidenta de Asfedro.
Ver máis
1 2 ...93 94 9596 97 ...137 138 >>