Novas

30-04-2021 -

30-04-2021 -

Benestar e igualdade

Tardes activas dende a casa

Xa se pode descargar a último paquete do mes de abril de exercicios cognitivos deseñados polo Departamento de Servizos Sociais para persoas maiores de 55 anos. O documento, elaborado no marco do programa "Tardes activas dende a casa", estrutúrase nun reto á memoria para lembrar lugares do territorio por medio de fotografías, un conxunto de adiviñas e varios pasatempos imprimibles que teñen por finalidade manter o cerebro en forma.

29-04-2021 -

29-04-2021 -

Fene ao día

A Casa da Cultura acolle hoxe a presentación do libro Cosal

O libro “Cosal: Comité de solidariedade con América Latina. Unha experiencia solidaria en Ferrolterra 1979-1995” preséntase esta tarde, ás 20 horas, na Casa da Cultura de Fene. O acto, conducido polo xornalista Ricardo Sandoval, correrá a cargo dos autores da publicación, Antón Blanco, Xaquín Ros e Anxo Ferreiro e do alcalde de Fene, Juventino Trigo Rey. Ao remate, haberá unha actuación musical a cargo de Manolo Bacallau.

O Concello de Fene colaborou na edición deste libro, no que se recollen diversas experiencias solidarias con países de América Latina nas que se implicaron, entre outros, concellos de Ferrolterra como o de Fene. Na publicación figuran varios actos e mostras de solidariedade que se levaron a cabo no noso Concello como o Festival de Solidariedade con El Salvador que tivo lugar na sala Perla o 31 de outubro de 1981.

Por limitacións de aforo e protocolos COVI, a asistencia ao acto será mediante invitacións distribuídas polos autores.

29-04-2021 -

29-04-2021 -

Fene ao día

O Concello de Fene e a Cofraría de Barallobre fan balance do proxecto Fene Vivo II

28-04-2021 -

28-04-2021 -

Museo do Humor Xaquín Marín

O Museo do Humor acollerá o 20 de maio o primeiro obradoiro de Viñetas do Camiño

O Museo do Humor de Fene conmemorará este 20 de maio o Día Internacional dos Museos coa celebración do primeiro dos obradoiros de Viñetas do Camiño, o proxecto que o Concello de Fene está a desenvolver, no marco do programa O Teu Xacobeo da Xunta, para potenciar o Camiño Inglés ao seu paso por Ferrolterra a través da creación artística. O artista Calros Silvar impartirá o taller, o único dirixido ao público adulto, no que se amosarán técnicas para o debuxo de natureza.

28-04-2021 -

28-04-2021 -

Fene ao día

Fene, Cabanas e Ares dánlle o pulo definitivo ao Punto Limpo de Vilar do Colo

Os alcaldes de Fene, Cabanas e Ares asinaron esta mañá o convenio de colaboración entre os tres municipios para a posta en marcha do Punto Limpo do Vilar do Colo. O acordo, ratificado polos respectivos plenos municipais, establece que os custes do servizo se sosterán con achegas proporcionais á poboación de cada concello, de maneira que a contribución económica de Fene se situará no 58,57%, a de Ares no 26,53 e a de Cabanas nun 14,9%. O resto de cuestións xa están definidas no regulamento de funcionamento do servizo aprobado a finais de 2018 e agora o único que queda pendente é licitar a súa xestión, algo que se conta facer en breve coa expectativa de que o Punto Limpo poida entrar en funcionamento antes do remate do ano.

27-04-2021 -

27-04-2021 -

Fene ao día

O Concello de Fene recepciona as obras de ampliación e mellora do cemiterio municipal

O Concello de Fene recepcionou esta mañá os dous proxectos de obra que se desenvolveron no cemiterio municipal de Barallobre con dous obxectivos básicos. Dunha banda a ampliación da súa capacidade con 378 novos nichos e dous módulos columbarios e, doutra, a mellora da accesibilidade dotando de pavimento as rúas entre os bloques, axardinando os espazos libres e colocando billas de subministración de auga, bancos e papeleiras. Ademais, dentro das actuacións -cofinanciadas pola Deputación e o Concello- tamén se instalou un equipo para a incineración de refugallos. De ambos proxectos encargouse a construtora Sergonsa Servicios SL por un prezo de 363.771,98 euros. Desde o Executivo local avanzan que o seguinte paso será a modificación da ordenanza reguladora dos servizos e prezos públicos do camposanto e que, unha vez efectuado este trámite -non antes-, abrirá o prazo de solicitude dos nichos, ao que se lle dará a debida publicidade chegado o momento. A intención municipal é que as concesións da ampliación se fagan por un período de 75 anos e non "a perpetuidade" como ocorre na actualidade.

23-04-2021 -

23-04-2021 -

Benestar e igualdade

Tardes activas dende a casa

Xa se pode descargar os novos paquete de exercicios cognitivos deseñados polo Departamento de Servizos Sociais para persoas maiores de 55 anos. O documento, elaborado no marco do programa "Tardes activas dende a casa", estrutúrase nun reto á memoria para lembrar lugares do territorio por medio de fotografías, un conxunto de adiviñas e varios pasatempos imprimibles que teñen por finalidade manter o cerebro en forma.

22-04-2021 -

22-04-2021 -

Fene ao día

O Concello adxudica provisionalmente as obras de reparación nas rúas Muíños e Dr. Francisco Malvar Vázquez

A Mesa de Contratación acordou esta mesma mañá adxudicarlle provisionalmente a Construcciones Ponciano Nieto S.L. as obras de renovación do pavimento na trama única formada polas rúas Muíños e Doutor Francisco Malvar Vázquez. Trátase de dous eixos interiores do casco urbano fenés que concentran unha alta densidade de poboación e que, no caso de Francisco Malvar, é un dos principais enlaces entre o Cruce de Fene e a rúa da Fraga. Ademais as obras completaranse coa renovación dos colectores do saneamento na rúa Muíños. O seu importe ascende a algo máis de 79.000 euros, sufragados con cargo ao POS+ Adicional de 2020.

21-04-2021 -

21-04-2021 -

Fene ao día

A Unidade Móbil do Centro de Transfusión de Galicia visita Fene

As persoas que desexen doar sangue, poderán facelo o venres 23 de abril, de 15.30 a 21.00 horas, e o sábado 24 de abril, de 10.00 a 15.00 horas, no vehículo instalado fronte ao Centro de Saúde de Fene.
Para doar sangue, aconséllase solicitar cita previa no teléfono gratuíto 900 100 828, sistema implantado para reforzar os protocolos de seguridade nas unidades móbiles e garantir unha afluencia axeitada e ordeada para cubrir as necesidades de sangue dos hospitais galegos.
Requisitos:
. Ter máis de 18 anos
. Pesar máis de 50 kg.
Cando acuda a doar, lempre presentar a tarxeta de doazón, DNI ou documento similar, e informar ao médico se está a tomar algún medicamento

19-04-2021 -

19-04-2021 -

Fene ao día

Campaña de detección Covid-19 para adolescentes de 12 a 17 nas farmacias de Fene e da provincia

O Colexio Oficial de Farmacéuticos da Coruña inicia este luns, coa colaboración da Consellería de Sanidade, un cribado gratuíto para a poboación a través da autorrecollida dunha mostra de saliva. O obxectivo é a detección de casos de Covid-19 en persoas que non manifestan síntomas ou que son inapreciables, mediante a recollida de mostras de saliva a través das oficinas de farmacia da provincia.

As farmacias de Fene adheridas á campaña son as de:

. PERLÍO (Teresa Duarte Vázquez). Avda. Marqués de Figueroa, 60-62. Tfno. 981 340 176
. BARALLOBRE (Beatriz García Rivas). Rúa Santiago, 43. Tfno. 981 360 147
. FENE (María Luísa Hidalgo Sotelo). Rúa Doutor Malvar, esq. Fraga - Ed. Parque IV. Tfno. 981 340 153