Praza de técnico/a de administración xeral
20-06-2017
Praza de técnico/a de administración xeral
Publicado no BOP do 19 de xuño a convocatoria do proceso selectivo para a creación dunha lista de aspirantes a funcionario/a interino/a da praza de técnico de administración xeral, mediante o sistema de concurso-oposición libre.
As solicitudes para tomar parte nas probas selectivas presentarse conforme ó anexo II e dirixiranse ó alcalde da corporación expresando que reúnen tódolos requisitos esixidos na base anterior.
Presentaranse no rexistro xeral do concello, podendo presentarse tamén conforme ó sinalado no artigo 16.4 da Lei 39/2015 do procedemento administrativo común das Administracións Públicas.
O prazo de presentación de solicitudes de participación será de 10 días hábiles contados a partir do seguinte ó da publicación das presentes bases no boletín oficial da provincia da Coruña.
Á instancia, conforme ó modelo que figura como anexo II, acompañarase inescusablemente da seguinte documentación:
– Copia do documento nacional de identidade, ou pasaporte.
– Copia do título que acredita como requisito mínimo para acceder ó proceso selectivo.
– Documentos que acrediten os méritos alegados para a fase de concurso conforme á base sétima. A prestación de servizos deberá acreditarse co certificado expedido polo fedatario público da correspondente Administración, ou coa copia do nomeamento e o informe de vida laboral.
– De ser o caso, copia do CELGA 4 ou equivalente, co que quedarán exentos do exame de galego.