Novas

17-12-2019

O Concello abre a inscrición no contacontos “Nano vai á escola”, de Raquel Queizás

A concelleira de Cultura, Rocío Bértoa, informou esta mañá de que o Concello abrirá mañá mércores o prazo de inscrición no contacontos “Nano vai á escola”, que terá lugar o luns 23 de decembro, ás 12 horas, a cargo da narradora Raquel Queizás. Celebrarase na Biblioteca Municipal Xosemaría Pérez Parallé, dirixido a un público de entre 1 e 4 anos, e a participación é gratuíta, pero con inscrición previa (do mércores 18 de decembro ata o propio día da actuación ás 11 h). De forma presencial ou no teléfono 981 34 23 02 (os días 18, 19 e 20 en horario de 16 a 20,30 horas). O aforo está limitado a 25 participantes.

16-12-2019

O Concello abre a inscrición nun obradoiro de fotografía co móbil para av@s e net@s

A concelleira de Cultura, Rocío Bértoa, informou esta mañá que o Concello vén de abrir o prazo de inscrición nun obradoiro de fotografía co móbil para avós/as e netos/as a partir de 6 anos. Estará impartido por Malena Carballo e celebrarase o xoves 26 de decembro na sala de exposicións da Casa da Cultura, de 11 a 13 horas. Gratuíto, pero con inscrición previa –ata o 23 de decembro- no Museo do Humor, presencial ou no teléfono 981 34 24 00 –en horario de mañá.

12-12-2019

O Concello abre a inscrición no contacontos musical Musicreques

A concelleira de Cultura, Rocío Bértoa, avanzou esta mañá a apertura do prazo de inscrición no contacontos musical Musicreques. Dirixido a un público infantil de entre 3 e 11 anos, celebrarase na Biblioteca Pública Municipal Xosemaría Pérez Parallé ás 18 horas. A participación é gratuíta, previa inscrición presencial ou no tlf 981 34 23 02, do xoves 12 ao martes 17 de decembro, de 16 a 20,30 horas e o sábado 14 de decembro de 10 a 13 horas. O aforo está limitado a 25 participantes.

11-12-2019

O Concello convida a nenas e nenos a participar como paxes reais na Cabalgata

Fene recibirá ás Súas Maxestades os Reis Magos de Oriente o vindeiro 5 de xaneiro e, coa vista posta nesta data, a concelleira de Cultura, Rocío Bértoa, convida ás nenas e nenos a tomar parte na Cabalgata como paxes reais. Para iso, é preciso anotarse no Rexistro Xeral, entregando a ficha de inscrición –disponible aquí-. É requisito ter entre 6 e 12 anos cumpridos e o aforo está limitado, cubríndose por orde de solicitude. O prazo pecharase o 27 de decembro.

10-12-2019

O Concello de Fene presenta a súa programación cultural de Nadal, repleta de citas musicais, contacontos e obradoiros

A concelleira de Cultura, Rocío Bértoa, presentaba esta mañá a ampla programación cultural de Nadal deseñada polo Concello de Fene. Unha programación que incluirá citas musicais, teatro, contacontos, exposicións, obradoiros e, como non, a visita do Apalpador e a tradicional Cabalgata de Reis. Precisamente, Rocío Bértoa avanzou que o Apalpador inaugurará o calendario cultural de Nadal o vindeiro luns, 16 de decembro, coa súa visita aos nenos e nenas de Educación Infantil e primeiro curso de Educación Primaria dos centros educativos de Fene. Nesa xornada acudirá ao CPI A Xunqueira, CEIP Plurilingüe Centieiras e CPR Jorge Juan. Así mesmo, ao día seguinte, martes 17 de decembro, visitará o CEIP Sillobre, CEIP Plurilingüe Os Casais e CEIP Plurilingüe O Ramo.

04-11-2019

O artesán Fernando Couce dona ao Concello a maqueta do barco “Soberano dos mares”

O alcalde de Fene, Gumersindo Galego, recepcionou a semana pasada, trala sinatura do convenio de doazón, a maqueta de madeira do barco “Soberano dos mares”, realizada polo artesán local Fernando Couce.

O navío amósase xa dende hai uns anos no cubo acristalado sito fronte á porta de acceso á Casa da Cultura, froito dunha doazón temporal previa por parte do artista. Pero, coa sinatura do convenio o pasado xoves, a doazón da obra pasa a ser permanente.

29-10-2019

A exposición do 27º certame Galicia en Foco. O Fotoxornalismo Galego poderá visitarse en Fene ata o 29 de novembro

O público poderá visitar no salón de plenos da Casa da Concello de Fene a exposición do 27º certame de fotografía "Galicia en Foco. O Fotoxornalismo Galego", que convoca o Club de Prensa de Ferrol. Onte á tarde o alcalde, Gumersindo Galego, presidía o acto de inauguración, xunto á presidenta do Club de Prensa, Julia Díaz; a concelleira de Cultura, Rocío Bértoa, e o directivo Xoán Rubia. Así as cousas, a mostra permanecerá en Fene ata o 29 de novembro, en horario de luns a venres, de 10 a 14,30 horas.

29-10-2019

O Concello de Fene volve apostar polos obradoiros de risoterapia da man do proxecto Licenza para rir

A Concellería de Cultura que dirixe Rocío Bértoa vén de reeditar os obradoiros de risoterapia “Licenza para rir”. Un proxecto que regresa para continuar descubrindo e valorando as potencialidades terapéuticas e curativas da risa.

Dende outubro e ata finais de maio, celébranse sesións semanais, todos os martes, de 18,30 a 20 horas no Museo do Humor-Casa da Cultura e aínda queda algunha praza libre. Así, as persoas maiores de 16 anos interesadas en tomar parte poden formalizar a súa matrícula nas dependencias administrativas do pavillón municipal de A Xunqueira, en San Valentín.

25-10-2019

Fene acollerá a exposición do 27º certame Galicia en Foco. O Fotoxornalismo Galego

O salón de plenos da Casa da Concello de Fene acollerá, a partir do próximo luns 28 de outubro, a exposición do 27º certame de fotografía "Galicia en Foco. O Fotoxornalismo Galego", que convoca o Club de Prensa de Ferrol. O acto de inauguración, que presidirá o alcalde, Gumersindo Galego, está previsto para as 19 horas, e a el está convidada toda a veciñanza. No mesmo, tomarán parte a concelleira de Cultura, Rocío Bértoa; a presidenta do Club de Prensa, Julia Díaz, e o directivo Xoán Rubia. A partir de aí, a mostra poderá visitarse ata o 29 de novembro en horario de luns a venres, de 10 a 14,30 horas.

23-10-2019

Fene celebra este xoves o Día Internacional da Biblioteca promovendo a lectura coa función “Maxia e libriños con Leo Leíño”

A Biblioteca Pública Municipal Xosémaría Pérez Parallé acolle mañá, 24 de outubro, o espectáculo “Maxia e Libros de Leo Leíño”, dirixido a nenos e nenas de entre 3 e 13 anos. A actuación terá lugar ás 18,00 horas e fai un percorrido, a través da maxia e dos contos, por historias incribles que farán descubrir aos participantes o universo sen límites que se agocha dentro dos libros.

O Concello abre a inscrición no contacontos “Nano vai á escola”, de Raquel Queizás

O Concello abre a inscrición nun obradoiro de fotografía co móbil para av@s e net@s

O Concello abre a inscrición no contacontos musical Musicreques

O Concello convida a nenas e nenos a participar como paxes reais na Cabalgata

O Concello de Fene presenta a súa programación cultural de Nadal, repleta de citas musicais, contacontos e obradoiros

O artesán Fernando Couce dona ao Concello a maqueta do barco “Soberano dos mares”

A exposición do 27º certame Galicia en Foco. O Fotoxornalismo Galego poderá visitarse en Fene ata o 29 de novembro

O Concello de Fene volve apostar polos obradoiros de risoterapia da man do proxecto Licenza para rir

Fene acollerá a exposición do 27º certame Galicia en Foco. O Fotoxornalismo Galego

Fene celebra este xoves o Día Internacional da Biblioteca promovendo a lectura coa función “Maxia e libriños con Leo Leíño”

O Concello

E-Administración

Fene ao día

Entre nós

Contacto