Novas

21-04-2020 -
21-04-2020 -
Fene ao día

A Unidade Móbil do Centro de Transfusións de Sangue de Galicia achégase este mércores a Fene

Malia o estado de alerta decretado polo Goberno do Estado, a Unidade Móvil do Centro de Transfusións de Sangue de Galicia –como servizo esencial que é para subministrar compoñentes sanguíneos a todos os hospitais de Galicia- continúa o seu percorrido para achegar a campaña de doazón de sangue a todos os cidadáns. Esta semana visitará Fene, instalándose o mécores 22 de abril e 9:30 a 14:30 e de 15:30 a 21:00 horas diante do centro de saúde  de Fene
As persoas que desexan doar sangue poden solicitar unha cita previa no teléfono gratuíto 900 100 828. Reforzando así os protocolos de seguridade nas unidades móbiles e  garantindo unha afluencia axeitada e ordeada para cubrir as necesidades de sangue dos hospitais galegos.
As persoas que acudan a doar sangue, poden amosar a súa tarxeta de doador de sangue para acreditar a o motivo do seu desprazamento ante as autoridades competentes no caso de control de circulación e, posteriormente, na unidade móbil facilitarase a todas as persoas que doen sangue un xustificante da antedita doazón.
 
 
Ver máis
20-04-2020 -
20-04-2020 -
Fene ao día

O Concello inicia a limpeza subsidiaria de 8 parcelas en cumprimento da normativa sobre prevención de incendios

A lei autonómica de prevención de incendios forestais obriga a que, antes do 31 de maio de cada ano, todas as parcelas lindeiras con vivendas e outros equipamentos públicos e privados estean libres de maleza, de cara a protexelas ante un eventual incendio forestal. Trátase dunha norma que deben cumprir todas as persoas propietarias e, de non facelo, tanto a Xunta como os concellos poden executar de forma subsidiaria os labores de roza e corta que sexan necesarios. Iso mesmo é o que está facendo o Concello de Fene desde hai uns días nos arredores de sete vivendas situadas en distintos puntos do municipio e tamén nunha parcela do polígono do Vilar do Colo.
Os traballos subsidiarios comezaron xa a semana pasada como resultado de expedientes iniciados pola área de Urbanismo que levaban abertos pero sen solución desde hai tempo. De feito, os procedementos teñen entre 9 e 20 meses de antigüidade" e refírense a sete parcelas colindantes con vivendas nas que non se estaban respectando as distancias mínimas das faixas de protección.
Tres dos predios que xa se están rozando e nos que se están cortando árbores -principalmente eucaliptos- encóntranse en Fene, outros tres en Limodre e un en Sillobre, mentres que o oitavo é lindeiro cunha das parcelas do polígono industrial.
Ver máis
17-04-2020 -
17-04-2020 -
Fene ao día

O Concello encárgalle á SOGAPS un lote de 6.000 cubrebocas para distribuílos de balde entre todas as persoas maiores e a rapazada do municipio

O Concello de Fene e maila asociación Solidariedade Galega co Pobo Saharauí alcanzaron esta mañá un acordo para que esta entidade lle subministre á Administración local un lote de 6.000 máscaras de protección fabricadas pola súa rede de voluntarios e empresas colaboradoras. A SOGAPS xa achegou onte 100 cubrebocas cosidos en tea lavable que se distribuirán entre o pequeno comercio local. Agora o Concello dá un paso máis cun pedido formal e de maior envergadura que permitirá achegarlle unha destas máscaras a todas as persoas maiores de 60 anos -principal grupo de risco- e tamén aos nenos e nenas con idades comprendidas entre os 3 e os 12 anos, para quen se encargou unha tallaxe algo máis pequena e cun deseño de cores e motivos variados.Agárdase que este lote poida estar en Fene cara a finais da semana que vén para iniciar o seu reparto a través de Correos.  

Para establecer o número de cubrebocas que se van repartir, o Concello revisou o padrón municipal centrándose en todas aquelas persoas que tivesen 60 ou máis anos, entre as que se repartirán arredor de 5.000 máscaras.  

Este grupo de poboación é un dos que máis risco de complicacións presenta ante posibles contaxios do coronavirus, ao igual que as persoas con problemas respiratorios, cardiovasculares ou coas defensas baixas. Esa é a razón de que a Administración local vaia distribuír a maioría dos cubrebocas, deixando unha pequena partida para persoas que, aínda non tendo esa idade mínima, se atopen nunha situación de risco. 

O outro sector da poboación ao que se lles fará chegar as máscaras son os nenos e nenas con idades comprendidas entre os 3 e os 12 anos.  Se ben aínda non hai unha investigación que dea resultados concluíntes, "algunhas publicacións apuntan cara a unha posible transmisión do virus a partir de nenos asintómaticos", tal e como se suxire nun dos documentos técnicos publicados polo Ministerio de Sanidade para a atención pediátrica. 

Os pequenos tamén se poden contaxiar de coronavirus, pero a incidencia da COVID-19  é mínima e incluso pode non presentar sinais, de aí que o Concello tamén incluíse a rapazada como outro dos grupos destinatarios do lote de cubreboca, pensando ademais na posibilidade de que tralo 26 de abril poidan aliviarse as medidas de confinamento autorizando saídas cunha protección respiratoria axeitada.  
Ver máis
17-04-2020 -
17-04-2020 -
Fene ao día

O Concello de Fene publica a convocatoria dunha comisión de servizos para o posto técnico/a de xestión financeira e recadación

Publicada no BOP do 17 de abril a convocatoria relativa á comisión de servizos dun posto de técnico/a de xestión financeira e recadación. As persoas interesadas teñen 10 días a contar dende a publicación deste anuncio no BOP para presentar a solicitude.
Ver máis
15-04-2020 -
15-04-2020 -
Benestar e igualdade

O Concello de Fene impulsa obradoiros para persoas maiores a través da web e a radio municipal

A pesar de que a situación de alarma obrigou a suspender a programación presencial de todas as actividades socioculturais, o Concello de Fene mantén unha intensa actividade a través da web e das redes sociais, co obxectivo de manter no posible as rutinas que había antes da crise e, de paso, alixeirar a levanza do confinamento. Un exemplo é a páxina en facebook Fenequedanacasa, que vai camiño das 700 persoas seguidoras e onde se poden atopar propostas participativas de todo tipo entre fotos, literatura, música, exercicio físico, etc. Ademais, a área de Servizos Sociais tamén se adaptou ás circunstancias ofrecendo a través de Fene.gal e de Radio Fene os programas "Tardes Activas desde a casa", "+Memoria" e "Recordando o noso", dirixidos especificamente á poboación de maior idade.

"Tardes activas dende a casa" é un paquete de exercicios cognitivos ao que se pode acceder desde a web municipal estruturado nun reto á memoria para recordar lugares do territorio por medio de fotografías, un conxunto de adiviñas e, como remate, varios pasatempos imprimibles que teñen por finalidade manter o cerebro en forma.
Trátase dunha iniciativa de dinamización pensada para todas as persoas maiores de 55 anos e non só para quen xa estivese participando nalgunha actividade do programa municipal de envellecemento activo. As solucións aos retos propostos poden enviarse ao correo servizos.sociais@fene.gal.
 
Ver máis
14-04-2020 -
14-04-2020 -
Benestar e igualdade

Nova entrega de Tardes activas dende a casa

Como vimos informando, o departamento de servizos sociais quere facervos partícipes de “Tardes activas dende a casa”. Unha proposta para dinamizar toda a poboación maior de 55 anos que queira aproveitar este confinamento para a estimulación das súas capacidades, recordos e vivencias persoais.

Nesta nova entrega  propoñemos actividades de memoria verbal, visual, evocativa... unha chea de actividades para entreterse no que queda de corentena. Participa!
Lembrade compartir estes exercizos entre as vosas compañeiras e compañeiros e  participade!
As vosas achegas e solucións podedes envialas á conta de correo electrónico servizos.sociais@fene.gal.

Para rematar, os servizos sociais municipais quere que vos lembredes que ante calquera necesidade asistencial urxente -alimentos, medicamentos, produtos básicos- podedes contactar có Centro Municipal de Servizos Sociais -981 492 706 / 981 342 607 / 607 616 840- ou enviar un correo a servizos.sociais@fene.gal, tamén estamos ao voso servizo no  Concello no 981 492 707 -luns a venres en horario de mañá- ou ben na Policía Local -981 492 777- ou na agrupación de Protección Civil -663 379 073- quenes atenderán as peticións durante todos os días da semana entre as 7.30 e as 21.30h.
Ver máis
14-04-2020 -
14-04-2020 -
Fene ao día

Fene completa o reparto de 500 máscaras do envío estatal

A agrupación local de Protección Civil de Fene e maila Garda Civil levaron a cabo entre onte e máis hoxe o reparto das máscaras enviadas polo Estado para atender os desprazamentos laborais no primeiro día de actividade tralo período de permiso retribuído e recuperable. A distribución fíxose entre as 7.30 e as 9 da mañá en puntos de entrega situados nas principais vías de comunicación e no acceso ao polígono Vilar do Colo. Alén deste material dun só uso, o Concello leva varios días entregando nas farmacias remesas de cubrebocas de tea lavable doadas por particulares e entidades. Foron un total de 400 -incluída unha pequena partida para os taxistas- e, de cara á semana que vén, chegarán outras 500 gracias á colaboración da asociación Solidariedade Galega co Pobo Saharauí. Esta nova partida e as que sigan chegando do tecido social fenés permitirán ampliar a distribución tamén ás panadarías para a súa entrega gratuíta.
Ver máis
12-04-2020 -
12-04-2020 -
Fene ao día

A Unidade Móbil do Centro de Transfusións de Sangue de Galicia achégase a Fene

Malia o estado de alerta decretado polo Goberno do Estado, a Unidade Móvil do Centro de Transfusións de Sangue de Galicia –como servizo esencial que é para subministrar compoñentes sanguíneos a todos os hospitais de Galicia- continúa o seu percorrido para achegar a campaña de doazón de sangue a todos os cidadáns. Esta semana visitará Fene, instalándose o luns 13 de abril de 15.30 a 21.00 h diante da farmacia de San Valentín.

As persoas que desexan doar sangue poden solicitar unha cita previa no teléfono gratuíto 900 100 828. Reforzando así os protocolos de seguridade nas unidades móbiles e  garantindo unha afluencia axeitada e ordeada para cubrir as necesidades de sangue dos hospitais galegos.
Ver máis
08-04-2020 -
08-04-2020 -
Fene ao día

A Policía Local de Fene remitiulle á Delegación do Goberno unha quincena de denuncias por saltar o confinamento

Non se pode saír da casa agás para casos necesarios. Punto. E dentro deses casos están facer a compra, ir ao médico se se ten cita concertada, ir buscar medicamento á farmacia, ir e voltar do traballo e pasear unha mascota en afastarse moito da casa. Esas son as principais excepcións a un confinamento decretado polo Estado que persegue reducir ao mínimo as posibilidades de contaxio do coronavirus. Levamos catro semanas pechados e aínda nos quedan alomenos outras dúas. O tempo vai pasando e cada vez vai facéndose máis peado, pero hai que aguantar o que faga falla para vencer o andazo. Fene está sendo desde o primeiro momento un concello exemplar nese sentido. Porén, no medio dos centos de persoas concienciadas que roen mecha na casa sempre hai quen pensa que é máis listo que ninguén saíndo cando non debe sen causa xustificada, facendo dez recados no día ou, por exemplo, paseando o can máis veces e máis lonxe do que sería recomendable. A cousa non está para chanzas e, por se a alguén pensa o contrario, aí están a Garda Civil e a Policía Local para recordárllelo. De feito, segundo informou a responsable da área de Seguridade, Sandra Permuy, desde o comezo do confinamento a Policía Local fixo máis dun cento de identificacións -parte delas en controis conxuntos coa Garda Civil- e tramitou 16 denuncias por saltar o confinamento sen motivos xustificados.
Ver máis
08-04-2020 -
08-04-2020 -
Benestar e igualdade

A Concellaría de Servizos Sociais de Fene pon en marcha unha batería de accións para atender as necesidades dos colectivos máis vulnerables

Os concellos, como administracións máis próximas á veciñanza, tiveron que aplicarse a fondo desde o pasado 15 de marzo para continuar prestando os seus servizos nunha situación que lles esixiu modificar de arriba abaixo as rutinas de traballo e , ademais, multiplicar os esforzos para cubrir a atención aos colectivos máis vulnerables. Tras un primeiro momento de reorganización acelerada dos recursos asistenciais dispoñibles, a Concellaría de Servizos Sociais de Fene puxo en marcha distintas accións dirixidas principalmente a persoas maiores, dependentes, e familias en risco de exclusión que xa estaban sendo atendidas ou que viven unha situación difícil debido ás actuais circunstancias.
Servizos Sociais adoptou como primeira medida un protocolo coordinado co SAF, a Policía Local e Protección Civil para cubrir as necesidades das persoas que puidesen precisar axuda para ir mercar produtos básicos -alimentación, artigos de hixiene, medicamento, etc.- ou incluso acompañamento para levar mellor a situación.

De feito, xa na primeira semana do confinamento, este protocolo empezou a funcionar en todo o territorio a través dos teléfonos 981 492 706 e 607 616 253 -de 8.30 a 15.00h.- e do 604 055 703 en horario ampliado de luns a venres de 9 a 21.00h, deixando o de Protección Civil -663 379 073- para avisos de emerxencia ou peticións de axuda as 24 horas do día e 7 días á semana.
Ver máis
1 2 ...122 123 124125 126 ...322 323 >>