Novas

21-09-2023 -
21-09-2023 -
Fene ao día

A Concellería de Medio Ambiente anima á veciñanza a participar na XVI Limpeza Simultánea de Ríos galegos

Sesenta entidades e cincuenta e dous concellos galegos participan este domingo, 24 de setembro, na XVI Limpeza Simultánea de Ríos galegos que promoven a organización ecoloxista ADEGA e Proxecto Ríos. O Concello de Fene participa un ano máis nesta iniciativa que implica a milleiros de voluntarios e voluntarias “que se mollan polos ríos galegos, para deixalos libres de lixo, nunha xornada de voluntariado ambiental e concienciación social”. No Concello de Fene, a limpeza centrarase no Río de Ba, establecéndose como puntos de encontro para os voluntarios/as o Parque do Piñeiro (na Armada) e o local de Aetna (a carón da SCRD O Pote) o domingo ás 10.00 horas. As persoas que desexen participar, únicamente deberán presentarse ese día en calquera dos dous puntos de encontro, provistas de roupa e calzado cómodos e luvas.
Ver máis
20-09-2023 -
20-09-2023 -
Cultura

Blues e punk no Paseo Marítimo de San Valentín o sábado 23 de setembro con Thee Blind Crows

A banda pontevedresa Thee blind crows actúa este sábado ás 13:30 h no Paseo Marítimo de San Valentín. O concerto, con entrada libre e gratuíta, enmárcase nas actuacións programadas ao abeiro da Rede Cultural da Deputación e desenvolverase no mesmo escenario no que vai ter lugar o Fenerock. Na súa cita fenesa, o grupo ofrecerá o seu característico “son crú e frenético” que fará vibrar aos asistentes nunha viaxe que os levará de Mississippi a Detroit a través dos son máis primitivos e pantanosos.
Ver máis
19-09-2023 -
19-09-2023 -
Deporte

Este mércores abre o segundo prazo de solicitude de horas de adestramento nos pavillóns da Xunqueira e O Ramo

Rematado o prazo de solicitudes para equipos e sociedades inscritas no Rexistro de Asociacións do Concello de Fene, a Concellería de Deportes publica os horarios de adestramento dos pavillóns polideportivos municipais de A Xunqueira e O Ramo para a tempada 23/24, que comezará a partir do 1 de outubro. Asimesmo, abre un segundo prazo de solicitude, que se prolongará do 20 ao 27 de setembro, para que equipos e particulares soliciten as horas libres en calquera das dúas instalacións. Unha vez rematado o prazo, publicaranse os horarios definitivos o 29 de setembro.
Ver máis
19-09-2023 -
19-09-2023 -
Cultura

O V Festival Internacional Entes Animados 2023 volta a Fene e a outros sete concellos da contorna

Con presenza dos/as concelleiros/as e técnicos/as de Cultura dalgúns dos Concellos participantes, a Casa da Cultura de Fene acolleu este mediodía a presentación do 5º Festival Internacional Entes Animados que se celebrará a vindeira fin de semana, do 22 ao 24 de setembro. Ao longo destas tres xornadas, cinco compañías procedentes de Italia, Portugal e Alemania achegaranse até os concellos de Ares, Cabanas, Fene, Ferrol, Narón, Miño, Neda e Valdoviño para presentar os seus espectáculos que abranguen “desde o teatro de títeres de luva até a narrativa teatral máis engaiolante”. As compañías convidadas nesta nova edición de Festea son: Bambabambin (Italia), Fio d`Azite (Portugal), Historioscópio (Portugal), Luis Manitha (Portugal) e Marimbondo (Alemania/Portugal). En total ofrecerán 19 funcións, con entrada libre e de balde, nas que cada grupo amosará “a súa perspectiva única da arte teatral de títeres, achegando o público a un universo de emocións e reflexións”.
Ver máis
16-09-2023 -
16-09-2023 -
Fene ao día

O Concello de Fene acolle un curso de prevención de riscos no manexo de motoserra e rozadoira do ISSGA

O curso, presencial, será no Concello de Fene, os 3. 4, 5 de  outubro e realizaráse de 9.00 a 14.00 h con 15 h de duración.
As persoas interesadas en inscribirse, son 15 prazas, teñen até o 28 de setembro para enviar cuberto o formulario de inscrición ao correo electrónico issga.formacion@xunta.gal
O formulario tamén se pode cubrir online na web do Issga http://issga.xunta.gal  
Esta ficha de inscrición enviarase cuberta xunto con copia do DNI e, no caso de ter algunha relación co sector (posto de traballo ou formación), enviarase un documento que acredite esta relación, para ter prioridade á hora de acceder ao curso.
Ver máis
15-09-2023 -
15-09-2023 -
Cultura

O Concello de Fene abrirá o mércores 4 de outubro o prazo de matrícula para as escolas municipais de música

As inscricións realizaranse do 4 ao 6 de outubro, nas dependencias administrativas do Pavillón “A Xunqueira” de San Valentín. Para poder matricularse será imprescindible solicitar cita previa os días 3 e 4 de outubro nos teléfonos 981 492 804 ou 607 626 812 entre as 8:30 e as 14:00. Unha vez concertada a cita, procederase á asignación de horarios de matrícula entre o mércores 4 en horario de tarde (16:00 a 19:00) e os días 5 e 6 en horario de mañá (de 8:30 a 14:00 h). O curso 2023-24 prolongarase nas escolas culturais municipais do 16 de outubro ao 31 de maio. A incorporación do alumnado farase no primeiro día fixado para cada actividade.
Ver máis
14-09-2023 -
14-09-2023 -
Cultura

As entidades sen fins de lucro de Fene poderán solicitar desde mañá as subvencións de concorrencia competitiva para 2023

Publicado no BOP núm. 176, do 14.09.2023, o extracto das bases reguladoras da convocatoria de subvencións, en réxime de concorrencia competitiva, a entidades sen fins de lucro para o ano 2023. O obxecto da convocatoria é apoiar ás entidades municipais sen ánimo de lucro no desenvolvemento e actividades culturais, deportivas e educativas que favorezan a participación entre a veciñanza e, así mesmo, contribuír ao financiamento dos gastos de funcionamento, necesarios para o cumprimento dos fins propios das asociacións e para o desenvolvemento das actividades obxecto da subvención. A contía máxima das subvencións por entidade ascenderá a 15.000 € no caso das entidades deportivas, a 12.000 € nas culturais e 1.500 ás ANPAS. Unha vez publicado o estrato da convocatoria no Boletín Oficial da Provincia, o prazo de presentación de solicitudes prolongarase desde o venres 15 de setembro ate o luns 25 de setembro, ás 14.00 horas.
Ver máis
13-09-2023 -
13-09-2023 -
Deporte

A matriculación nas escolas deportivas continúa aberta até o 21 de setembro

O departamento de deportes do Concello de Fene informa que até o 21 de setembro está aberto o prazo de inscrición nas escolas deportivas. Consulte as prazas vacantes aquí.

As persoas interesadas deberán de  pedir cita previa para facer o trámite, que se centraliza no pavillón da Xunqueira. As citas poden solicitarse, chamando ao 981 492 804 ou ao 607 626 812.
 
Ver máis
11-09-2023 -
11-09-2023 -
Deporte

Xornada portas abertas Tiro con Arco (EVENTO APRAZADO)

O sábado 16 de setembro o Concello, xunto co Club de  tiro con arco ADARVE, organizarán  unha xornada de portas abertas de tiro con arco, na que tódolos asistentes poderán practicar TIRO CON ARCO de forma totalmente GRATUÍTA. Será de 17.00 h a 19.00 h no Pavillón A Xunqueira.

A organización proporcionará todo o material necesario, así como o monitorado que dará as instrucións precisas aos asistentes para que proben esta modalidade deportiva se así o desexan.

O tiro con arco é unha das novidades que presenta este ano o Concello de Fene entre as súas escolas deportivas, que pode practicaarse tamen en familia, xa que a escola que está destinada a persoas adultas e tamén a nenos e nanas maiores de 6 anos.  O prazo para inscribirse nesta escola, no caso de estar interesados/as remata o día 21 de setembro.
ACTUALIZACIÓN 14/09/2023. EVENTO APRAZADO ATÉ NOVO AVISO
Ver máis
09-09-2023 -
09-09-2023 -
Fene ao día

Fene sabe a mar

A campaña promovida pola Consellería do Mar, Galicia sabe a mar, para promocionar os produtos do mar en poñer en valor o labor das persoas profesionais da pesca e do marisqueo, aparcará a súa foodtruck en Fene o vindeiro luns 11 de setembro. Todas aquelas persoas interesadas en degustar de balde petiscos  realizados con produtos do mar e da terra galegos deberán achegarse á Praza Alcalde José Ramón Souto González de 12:00 a 15:00 e de 18:00 a 21:00.
Ver máis
1 2 ...61 62 6364 65 ...132 133 >>