Novas

02-12-2019

Últimos días para anotarse no obradoiro “A saúde, unha cuestión de xénero”

A Concellería de Igualdade, a través do Servizo Municipal de Atención á Muller e Promoción da Igualdade, mantén aberto o prazo de inscrición no obradoiro gratuíto “A saúde: unha cuestión de xénero”. Pode formalizarse nos teléfonos 981 34 26 07 e 981 49 27 06, no email smam@fene.gal ou presencialmente no Centro Municipal de Servizos Sociais (Av. Do Mar Bloque 1, baixo San Valentín). Consta de dúas sesións de cinco horas, e celebrarase a vindeira semana: os días 9 e 11 de decembro, de 16,30 a 19 horas no Centro Municipal de Servizos Sociais.

27-11-2019

A Casa da Cultura acolle este xoves o espectáculo “Maxia pola Igualdade”

O Concello de Fene, a través da Concellería de Igualdade que dirixe Juana Barro, convida ás familias a asistir este xoves 28 de novembro ao espectáculo “Maxia pola Igualdade” coa maga Leo Leíño. Terá lugar no salón de actos da Casa da Cultura de Fene, a partir das 18 horas, con entrada libre e de balde ata completar aforo.

26-11-2019

O Concello de Fene inaugura no CEIP Os Casais e na unitaria de Sillobre as sesións de contacontos-obradoiro sobre igualdade

No marco das actividades de prevención da violencia machista e promoción da igualdade en torno ao 25 de novembro, a Concellería de Igualdade que dirixe Juana Barro programa un total de 10 sesións de contacontos-obradoiro para o alumnado de Infantil e 1º e 2º curso de Educación Primaria (nenas e nenos de 3 a 9 anos). No día de onte celebrábanse as primeiras sesións no CEIP Plurilingüe Os Casais e na unitaria de Sillobre, e a programación continuará durante o mes de decembro: no CEIP Plurilingüe Centieiras o luns 2 de decembro, no CPI A Xunqueira o martes 3 de decembro; no CEIP Plurilingüe O Ramo o luns 9, e no colexio Jorge Juan o martes 10 de decembro.

25-11-2019

25 novembro, Día Internacional pola Eliminación da Violencia Machista

No que levamos de 2019, foron asasinadas 66 mulleres e 3 menores, e aínda hai máis asasinatos de mulleres en investigación. Os asasinatos conforman a máxima representación das formas de terrorismo machista que continúan sometendo ás mulleres en todos os ámbitos da súa vida, e que representan unha grave e sistemática vulneración dos dereitos humanos de máis da metade da poboación á nosa sociedade. Estas violencias teñen a súa orixe e núcleo na pervivencia dun sistema heteropatriarcal, presente en todas as estruturas da sociedade, que tolera a desigualdade e resto credibilidade e autoridade ás mulleres, mentres cosifica o seu corpo e consolida pautas culturais que transmiten e reproducen comportamentos discriminatorios e sexistas.

25-11-2019

Arrancan os obradoiros sobre o manexo do computador e móbil en Fene

Un total de 12 veciñas e veciños iniciaban a semana pasada na aula de informática municipal os obradoiros sobre o manexo do computador e sobre o uso do teléfono móbil. Gratuítos, prolongaranse ata o vindeiro mércores 27 de novembro.

As accións formativas están organizadas polo Instituto de Investigacións Científicas e Ecolóxicas (INICE), en colaboración co Concello de Fene, e teñen unha duración de 12 horas. Este programa está subvencionado polo Ministerio de Sanidade, Consumo e Benestar Social.

22-11-2019

O Concello leva aos centros educativos actividades de promoción da igualdade e prevención da violencia de xénero

A Concellería de Igualdade que dirixe Juana Barro inaugurará este luns 25 de Novembro, "Día Internacional pola Eliminación da Violencia cara á Muller", unhas sesións de contacontos-obradoiro para o alumnado de Educación Infantil e 1º e 2º de Educación Primaria (nenas e nenas de 3 a 9 anos).

"As Cores" é o nome do conto co que se pretende traballar de xeito dinámico temas tan importantes como a igualdade, a inclusión, o traballo en equipo, as emocións... transmitindo valores sempre a través do lúdico. Queda moito que traballar en tema de igualdade e de sensibilización, por exemplo, coa aprendizaxe da lingua de signos ou o respecto polos tempos e as necesidades de cada persoa e este contacontos foi creado precisamente para sensibilizar diso dende as primeiras idades.

19-11-2019

Aberta a inscrición no obradoiro “A saúde: unha cuestión de xénero”

A Concellería de Igualdade, a través do Servizo Municipal de Atención á Muller e Promoción da Igualdade, vén de abrir o prazo de inscrición no obradoiro gratuíto “A saúde: unha cuestión de xénero”. Pode formalizarse nos teléfonos 981 34 26 07 e 981 49 27 06, no email smam@fene.gal ou presencialmente no Centro Municipal de Servizos Sociais (Av. Do Mar Bloque 1, baixo San Valentín). Consta de dúas sesións de cinco horas, e celebrarase os días 9 e 11 de decembro, de 16,30 a 19 horas no Centro Municipal de Servizos Sociais.

15-11-2019

Últimos días para anotarse nos obradoiros sobre o manexo do computador e móbil

O Concello de Fene lembra que a aula de informática municipal (Avda. de Naturais, 44, entresollado dereita) acollerá, do 20 ao 27 de novembro, dous obradoiros sobre o manexo do computador e sobre o uso do teléfono móbil. Dirixidos preferentemente a mulleres, son gratuítos e o prazo de inscrición permanece aberto no seguinte enderezo electrónico igualdadgalicia@inice.es ou no telefono 646385736.

As accións formativas están organizadas polo Instituto de Investigacións Científicas e Ecolóxicas (INICE), en colaboración co Concello de Fene, e teñen unha duración de 12 horas en quenda de mañá. Poderán participar todas as mulleres do concello sen límite de idade. Este programa está subvencionado polo Ministerio de Sanidade, Consumo e Benestar Social.

15-11-2019

O Concello activa a pé de rúa unha campaña de sensibilización contra a violencia machista

A concelleira de Igualdade, Juana Barro, anunciou esta mañá a posta en marcha dunha campaña de sensibilización contra a violencia machista co gallo da conmemoración do 25 de Novembro, “Día Internacional pola Eliminación da Violencia cara as Mulleres”. Así, dende hoxe e ata o 15 de decembro, as rúas de Fene amosarán mensaxes que inviten á cidadanía a reflexionar e recapacitar sobre esta crúa realidade como é a dos asasinatos de mulleres polo mero feito de ser mulleres, poñendo a vista na importancia dunha educación en igualdade, dende o respecto e dende a diversidade. Algo que compete a toda a sociedade, non só ás mulleres.

13-11-2019

O Concello de Fene convoca as subvencións ás familias para a adquisición dos agasallos de Reis

O alcalde de Fene, Gumersindo Galego, informou esta mañá de que o Concello vén de convocar as subvencións dirixidas ás familias para a adquisición de agasallos para a festividade de Reis. Destina a esta iniciativa 3.500 euros, en 50 subvencións para outros tantos nenos e nenas por importe de 70 euros para cada beneficiari@. A publicación do anuncio da convocatoria no Boletín Oficial da Provincia do 12 de novembro establece a apertura do prazo de presentación de solicitudes no día de hoxe, e por un prazo de 10 días naturais.

Últimos días para anotarse no obradoiro “A saúde, unha cuestión de xénero”

A Casa da Cultura acolle este xoves o espectáculo “Maxia pola Igualdade”

O Concello de Fene inaugura no CEIP Os Casais e na unitaria de Sillobre as sesións de contacontos-obradoiro sobre igualdade

25 novembro, Día Internacional pola Eliminación da Violencia Machista

Arrancan os obradoiros sobre o manexo do computador e móbil en Fene

O Concello leva aos centros educativos actividades de promoción da igualdade e prevención da violencia de xénero

Aberta a inscrición no obradoiro “A saúde: unha cuestión de xénero”

Últimos días para anotarse nos obradoiros sobre o manexo do computador e móbil

O Concello activa a pé de rúa unha campaña de sensibilización contra a violencia machista

O Concello de Fene convoca as subvencións ás familias para a adquisición dos agasallos de Reis

O Concello

E-Administración

Fene ao día

Entre nós

Contacto