O concello de Fene dende a Área de Benestar Social e Igualdade, e agrupación de concellos de Mugardos e Neda, desenvolve o proxecto de prevención de condutas aditivas, no que se enmarca o programa familiar “Máis que un teito”, subvencionado pola Consellería de Sanidade.
Ao abeiro deste programa no mes de maio desenvolverase o obradoiro de alimentación saudable, dirixido ás familias.
Esta proposta ten por obxecto conseguir a creación de hábitos saudables a través de coñecementos básicos sobre a influencia da alimentación ademais de concienciar sobre os beneficios que aporta o consumo consciente e responsable así como ofrecer estratexias de elaboración da lista da compra.
