Novas

01-10-2025

A Casa da Cultura de Fene acolle en outubro unha exposición de pintura e fotografía de Narart

Nova mostra colectiva da Asociación Narón Amigos da Arte. A exposición, na que participarán dezaseis artistas (14 pintores/as e dúas fotógrafas) inaugúrase este xoves 2 de outubro, ás 19 horas, na sala de exposicións temporais da Casa da Cultura de Fene, con entrada libre e de balde. O horario de visitas á exposición, que concluirá o 31 de outubro, será: de luns a venres, de 10 a 13 horas e de 16 a 21 horas, e os sábados, de 10 a 13 horas.

25-09-2025

A Galiña Xosefina, de Trémola Teatro, visitará a Biblioteca Municipal de Fene o primeiro xoves de outubro

Xa está aberto o prazo de inscrición para asistir á función de A Galiña Xosefina, da compañía Trémola Teatro, que anuncia Biblioteca Municipal de Fene para o vindeiro xoves, 2 de outubro, ás 18 horas. Para anotarse cómpre facelo presencialmente ou por teléfono (981 342 302) no horario de apertura da instalación: de luns a venres, de 16 a 21 horas ou o sábado, de 10 a 13 horas. Aforo limitado.

23-09-2025

O VII Festival Internacional Entes Animados levará a maxia dos monicreques a Sillobre e Limodre esta fin de semana

Fene acollerá este venres e o sábado dous dos espectáculos do Festival Internacional de Entes Animados 2025 que se está a desenvolver en 8 concellos da bisbarra (Ares, Fene, Ferrol, Miño, Mugardos, Narón, Neda e Valdoviño) ao longo da segunda quincena do mes de setembro. A primeira función, o venres 26, será ás 20 horas no local da SCRD Agarimo de Sillobre e terá como protagonista á compañía Fértil Cultural (Portugal) co espectáculo “Eu é que conto”. O sábado 27, o certame trasladarase ao local da AVV de Limodre, tamén ás 20.00 horas, coa función de “La muerte de Don Cristobal”, da compañía Pelele (Francia). Ámbalas dúas sesións serán con entrada libre e de balde até completar o aforo.

18-09-2025

Aberto o prazo de inscrición para unha nova edición do Club de Lectura da Biblioteca Municipal de Fene

As persoas que desexen apuntarse neste club de lectura para público adulto poderán facelo desde hoxe, presencialmente na propia biblioteca, ou por teléfono no 981 342 302, en horario de 16.00 a 21.00 horas (agás os sábados nos que o horario é de 10.00 a 13.00 horas). Para participar, unicamente cómpre ter interese pola lectura xa que as persoas que formen parte do club, deberán ler ao mesmo tempo as mesmas obras, de xeito individual. A biblioteca proporcionará un exemplar a cada membro, previamente inscrito.

16-09-2025

O VII Festival Internacional Entes Animados volta a Fene e a outros sete concellos da contorna

Con presenza dunha representación dos Concellos e entidades participantes, o Hotel Almirante de Ferrol acolleu este mediodía a presentación do 7º Festival Internacional Entes Animados que se celebrará do 19 ao 28 de setembro (fins de semana). Ao longo do certame, oito compañías procedentes de Portugal, Brasil, Francia, Arxentina, Bélxica e España achegaranse até os concellos de Ares, Fene, Ferrol, Miño, Mugardos (que participa a instancias da entidade Apelón Educación), Narón, Neda e Valdoviño para presentar os seus espectáculos que abranguen “desde o teatro de títeres de luva até a narrativa teatral máis engaiolante”.

09-09-2025

Cambio no horario da Casa da Cultura a partir do 15 de setembro

Na recta final do verán, a Concellería de Cultura informa dos cambios no horario de apertura e atención ao público das distintas dependencias da Casa da Cultura de Fene (Biblioteca Municipal Xosemaría Pérez Parallé, Museo do Humor Xaquín Marín, aula de estudo e sala de exposicións temporais). Así, a partir do vindeiro luns 15 de setembro retomarase o horario de inverno nesta instalación: de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas.

04-09-2025

As sociedades sen fins de lucro, de alta no rexistro de entidades do Concello de Fene, poderán solicitar desde mañá a subvención de concorrencia competitiva para o ano 2025

Publicado no BOP 4 de setembro, o extracto das bases reguladoras da convocatoria de subvencións, en réxime de concorrencia competitiva, a entidades sen fins de lucro para o ano 2025. O obxecto da convocatoria é apoiar ás entidades municipais sen ánimo de lucro no desenvolvemento e actividades culturais, deportivas e educativas que favorezan a participación entre a veciñanza e, así mesmo, contribuír ao financiamento dos gastos de funcionamento, necesarios para o cumprimento dos fins propios das asociacións e para o desenvolvemento dasactividades obxecto da subvención. A contía máxima das subvencións por entidade ascenderá a 15.000 € no caso das entidades deportivas, a 12.000 € nas culturais e 1.500 ás ANPAS. Unha vez publicado o estrato da convocatoria no Boletín Oficial da Provincia, o prazo de presentación de solicitudes terá lugar desde o 05/09/2025, ata ás 14.00 horas do 14/09/2025.

03-09-2025

Brassica Rapa actúa este sábado no Fenerock da man do Concello de Fene e da Rede Cultural da Deputación

A piques de comezar o Fenerock, que organiza a AC Centolos, a Concellería de Cultura coa colaboración da Rede Cultural da Deputación, anuncia para este sábado, 6 de setembro, o espectáculo Ghrelo power, a cargo do grupo Brassica Rapa. A función comezará no Paseo Marítimo de San Valentín ás 12.30 horas, con entrada libre e de balde.

01-09-2025

As pinturas expresionistas e surrealistas de Daniel Mouriz inundan de cor a Casa da Cultura de Fene

“Ao descuberto” é o título da exposición que o pintor ferrolán Daniel Mouriz amosa desde este martes na Casa da Cultura de Fene. A mostra recolle máis de 50 obras nas que o autor desprega a súa visión abstracta da realidade, a través de estruturas expresionistas e surrealistas. Nalgunhas obras, aplícanse elementos minerais e vexetais, así coma materiais reciclados, tales coma papel, cartón, madeira, plástico, principalmente sobre lenzo, pero tamén sobre vidro e cartulina montada en cartón pluma.

27-08-2025

Teatro ao cubo na Romaría do Pote de Maniños

A tradicional Romaría do Pote que organiza a ACRD O Pote de Maniños, celébrase este domingo, 31 de agosto. Como complemento aos actos programados pola sociedade fenesa, a Concellería de Cultura (en colaboración co programa Rede Cultural da Deputación) anuncia para ese día o espectáculo Ghop!, de Teatro ao cubo. A función, dirixida a todos os públicos, comezará na asociación ás 12.30 horas, con entrada libre e de balde.

A Casa da Cultura de Fene acolle en outubro unha exposición de pintura e fotografía de Narart

A Galiña Xosefina, de Trémola Teatro, visitará a Biblioteca Municipal de Fene o primeiro xoves de outubro

O VII Festival Internacional Entes Animados levará a maxia dos monicreques a Sillobre e Limodre esta fin de semana

Aberto o prazo de inscrición para unha nova edición do Club de Lectura da Biblioteca Municipal de Fene

O VII Festival Internacional Entes Animados volta a Fene e a outros sete concellos da contorna

Cambio no horario da Casa da Cultura a partir do 15 de setembro

As sociedades sen fins de lucro, de alta no rexistro de entidades do Concello de Fene, poderán solicitar desde mañá a subvención de concorrencia competitiva para o ano 2025

Brassica Rapa actúa este sábado no Fenerock da man do Concello de Fene e da Rede Cultural da Deputación

As pinturas expresionistas e surrealistas de Daniel Mouriz inundan de cor a Casa da Cultura de Fene

Teatro ao cubo na Romaría do Pote de Maniños

O Concello

E-Administración

Fene ao día

Entre nós

Contacto