Novas

16-09-2025

O VII Festival Internacional Entes Animados volta a Fene e a outros sete concellos da contorna

Con presenza dunha representación dos Concellos e entidades participantes, o Hotel Almirante de Ferrol acolleu este mediodía a presentación do 7º Festival Internacional Entes Animados que se celebrará do 19 ao 28 de setembro (fins de semana). Ao longo do certame, oito compañías procedentes de Portugal, Brasil, Francia, Arxentina, Bélxica e España achegaranse até os concellos de Ares, Fene, Ferrol, Miño, Mugardos (que participa a instancias da entidade Apelón Educación), Narón, Neda e Valdoviño para presentar os seus espectáculos que abranguen “desde o teatro de títeres de luva até a narrativa teatral máis engaiolante”.

09-09-2025

Cambio no horario da Casa da Cultura a partir do 15 de setembro

Na recta final do verán, a Concellería de Cultura informa dos cambios no horario de apertura e atención ao público das distintas dependencias da Casa da Cultura de Fene (Biblioteca Municipal Xosemaría Pérez Parallé, Museo do Humor Xaquín Marín, aula de estudo e sala de exposicións temporais). Así, a partir do vindeiro luns 15 de setembro retomarase o horario de inverno nesta instalación: de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas.

04-09-2025

As sociedades sen fins de lucro, de alta no rexistro de entidades do Concello de Fene, poderán solicitar desde mañá a subvención de concorrencia competitiva para o ano 2025

Publicado no BOP 4 de setembro, o extracto das bases reguladoras da convocatoria de subvencións, en réxime de concorrencia competitiva, a entidades sen fins de lucro para o ano 2025. O obxecto da convocatoria é apoiar ás entidades municipais sen ánimo de lucro no desenvolvemento e actividades culturais, deportivas e educativas que favorezan a participación entre a veciñanza e, así mesmo, contribuír ao financiamento dos gastos de funcionamento, necesarios para o cumprimento dos fins propios das asociacións e para o desenvolvemento dasactividades obxecto da subvención. A contía máxima das subvencións por entidade ascenderá a 15.000 € no caso das entidades deportivas, a 12.000 € nas culturais e 1.500 ás ANPAS. Unha vez publicado o estrato da convocatoria no Boletín Oficial da Provincia, o prazo de presentación de solicitudes terá lugar desde o 05/09/2025, ata ás 14.00 horas do 14/09/2025.

03-09-2025

Brassica Rapa actúa este sábado no Fenerock da man do Concello de Fene e da Rede Cultural da Deputación

A piques de comezar o Fenerock, que organiza a AC Centolos, a Concellería de Cultura coa colaboración da Rede Cultural da Deputación, anuncia para este sábado, 6 de setembro, o espectáculo Ghrelo power, a cargo do grupo Brassica Rapa. A función comezará no Paseo Marítimo de San Valentín ás 12.30 horas, con entrada libre e de balde.

01-09-2025

As pinturas expresionistas e surrealistas de Daniel Mouriz inundan de cor a Casa da Cultura de Fene

“Ao descuberto” é o título da exposición que o pintor ferrolán Daniel Mouriz amosa desde este martes na Casa da Cultura de Fene. A mostra recolle máis de 50 obras nas que o autor desprega a súa visión abstracta da realidade, a través de estruturas expresionistas e surrealistas. Nalgunhas obras, aplícanse elementos minerais e vexetais, así coma materiais reciclados, tales coma papel, cartón, madeira, plástico, principalmente sobre lenzo, pero tamén sobre vidro e cartulina montada en cartón pluma.

27-08-2025

Teatro ao cubo na Romaría do Pote de Maniños

A tradicional Romaría do Pote que organiza a ACRD O Pote de Maniños, celébrase este domingo, 31 de agosto. Como complemento aos actos programados pola sociedade fenesa, a Concellería de Cultura (en colaboración co programa Rede Cultural da Deputación) anuncia para ese día o espectáculo Ghop!, de Teatro ao cubo. A función, dirixida a todos os públicos, comezará na asociación ás 12.30 horas, con entrada libre e de balde.

25-08-2025

As citas para apuntarse nas escolas deportivas e culturais municipais comezarán a darse o 9 de setembro

A Concellaría de Deportes e Cultura informan dos prazos de inscricións nas escolas municipais de Fene. Isto é, o prazo de matrícula presencial estará aberto do 12 ao 18 de setembro e será obrigatorio pedir cita previa para facer o trámite, que se centralizará no pavillón da Xunqueira. As citas poderán solicitarse a partir do 9 de setembro, chamando ao 981 492 804 ou ao 607 626 812.
Para solicitar CITA PREVIA para realizar a inscrición temos que ter en conta os seguintes prazos:
Residentes e escolarizados/as en Fene: Días 9 e 10 de de setembro de 9:00 a 14:00 horas
Poboación en xeral: Do 11 de setembro. De 9:00 a 14:00 horas

A cita solicitarase nos teléfonos: 981 492 804 / 607 626 812

O calendario de inscricións nas distintas disciplinas será do 12 ao 18 de setembro. A inscrición realizarase o día e á hora asignado con anterioridade.

29-07-2025

O Concello de Fene leva a Familia Caamagno ao Festival Felicia Pop

A piques de comezar o Festival Felicia Pop, que organiza a AC Felicia, a Concellería de Cultura coa colaboración do programa Cultura no Camiño (Agadic-Xunta de Galicia), anuncia para este sábado, 2 de agosto, un concerto de Familia Caamagno. O espectáculo, no que presentarán “O mundo está derrotado”, comezará no Parque da Hortiña ás 13.30 horas, con entrada libre e de balde.

28-07-2025

The Shesters Moc Moc, Peter Punk Pallaso e Sempre Arriba no Perla Mural Fest

A Concellería de Cultura de Fene anuncia para esta semana en Perlío tres espectáculos programados ao abeiro da Rede Cultural da Deputación da Coruña e no marco do Perla Mural Fest. A primeira cita será mañá martes na Praza da Escola-AVV Perlío, con The Shesters Moc Moc, levando a escea La Chimba. O mércores o protagonista será Peter Punk Pallaso, con A Chungatrona, actuación que se desenvolverá na Praza Verde, e o xoves actuará o grupo Sempre Arriba na Pista Municipal de Centieiras, con Cést pas possible. Todas as funcións serán ás 20.30 horas con entrada libre e de balde. No caso de choiva, as actuacións dos días 29 e 30 de xullo trasladaranse á pista de Centieiras.

23-07-2025

A deputada provincial de Cultura visita Fene para avanzar na colaboración co tecido asociativo local

A deputada provincial de Cultura, Natividade González, visitou o Concello de Fene, onde mantivo unha reunión de traballo coa alcaldesa, Sandra Permuy; o concelleiro de Cultura, Justo Ardá; e a tamén deputada provincial de Plans, Cristina García. O encontro tivo como principal obxectivo explorar novas vías de colaboración para que as entidades culturais municipais poidan aproveitar ao máximo os recursos e programas provinciais.

O VII Festival Internacional Entes Animados volta a Fene e a outros sete concellos da contorna

Cambio no horario da Casa da Cultura a partir do 15 de setembro

As sociedades sen fins de lucro, de alta no rexistro de entidades do Concello de Fene, poderán solicitar desde mañá a subvención de concorrencia competitiva para o ano 2025

Brassica Rapa actúa este sábado no Fenerock da man do Concello de Fene e da Rede Cultural da Deputación

As pinturas expresionistas e surrealistas de Daniel Mouriz inundan de cor a Casa da Cultura de Fene

Teatro ao cubo na Romaría do Pote de Maniños

As citas para apuntarse nas escolas deportivas e culturais municipais comezarán a darse o 9 de setembro

O Concello de Fene leva a Familia Caamagno ao Festival Felicia Pop

The Shesters Moc Moc, Peter Punk Pallaso e Sempre Arriba no Perla Mural Fest

A deputada provincial de Cultura visita Fene para avanzar na colaboración co tecido asociativo local

O Concello

E-Administración

Fene ao día

Entre nós

Contacto