Novas

31-05-2021 -

31-05-2021 -

Deporte

Reserva de prazas para as escolas deportivas de piscina e pavillón da Xunqueira

A partir deste martes, 1 de xuño, o alumnado matriculado no mes de maio de 2021 (que non teña cotas pendentes de pagamento) poderá solicitar cita previa para a reserva de prazas para o vindeiro curso nas escolas deportivas municipais de piscina e pavillón da Xunqueira. Para solicitar cita previa cómpre chamar por teléfono (981 492 804 / 607 626 812 / 981 340 936) de luns a venres, de 9.00 a 14.00 ou de 16.00 a 21.00 horas. A reserva de prazas (sempre baixo o sistema de cita previa) realizarase do 7 de xuño ao 6 de xullo, presentando o carné de usuario/a e, para quen desexe domiciliar o pagamento trimestral, achegando un recibo do banco co IBAN e os 20 díxitos da conta.

28-05-2021 -

28-05-2021 -

Museo do Humor Xaquín Marín

Últimos días para participar na XXV edición dos Premios Curuxa do Humor

O vindeiro luns ás 23.59 horas remata o prazo de presentación de debuxos para o concurso de humor gráfico que organizan a Concellería de Cultura e o Museo do Humor de Fene. Nesta vixésimo quinta edición do certame, o/a gañador/a da Curuxa Gráfica (categoría para maiores de 25 anos) recibirá 2000 € e diploma e o gañador/a do segundo premio, 1500 € e diploma. Para a “Curuxa Nova” (categoría para menores de 25 anos) anúnciase un primeiro premio, dotado con 1.000 € e diploma, e un segundo premio, dotado con 500 € e diploma.

27-05-2021 -

27-05-2021 -

Fene ao día

A Unidade Móbil do Centro de Transfusión de Galicia visita Fene

As persoas que desexen doar sangue, poderán facelo o venres 28 de maio, de 15.30 a 21.00 horas, e o sábado 29 de maio, de 10.00 a 15.00 horas, no vehículo instalado fronte ao Centro de Saúde de Fene.
Para doar sangue, aconséllase solicitar cita previa no teléfono gratuíto 900 100 828, sistema implantado para reforzar os protocolos de seguridade nas unidades móbiles e garantir unha afluencia axeitada e ordeada para cubrir as necesidades de sangue dos hospitais galegos.

26-05-2021 -

26-05-2021 -

Cultura

O vindeiro martes abre o prazo de preinscrición para “Un verán diferente” no Concello de Fene

Un ano máis, a Concellería de Cultura de Fene volve apostar por favorecer a conciliación da vida
aboral e familiar e proporcionar, á vez, unha alternativa de ocio na nosa lingua ás crianzas durante as vacacións de verán. Neste senso e baixo estas dúas premisas, presenta a segunda edición do campamento “Un verán diferente” para o que abre o prazo de preinscrición o martes 1 de xuño. A actividade desenvolverase no Colexio Centieiras de Perlío durante o mes de xullo e vai dirixida a nenos/as de 3 a 12 anos. Para preservar a saúde dos/as participantes, dende o Concello de Fene salientan que se aplicarán “as normas e protocolos que para este tipo de actividades decreten as autoridades sanitarias” e das que se informará antes do comezo da actividade.

26-05-2021 -

26-05-2021 -

Fene ao día

A praia do Coído contará este verán con máis de 2.000 metros de aparcamento

A praia do Coído, situada en Limodre, é un dos areais máis concorridos de Fene por ser tamén o de maior extensión dos catro que hai na ribeira desta parroquia, aínda que quede algo escaso coa marea alta. Ademais tamén é dos mellores para o baño tal e como indican os datos da Consellaría de Sanidade, que cualifican a calidade das súas augas -e tamén as das outras tres praias- como excelentes. Porén, o Coído ten un problema: case non hai sitio para aparcar, a non ser na beira da estrada. Por sorte este inconveniente vai camiño de amañarse de cara a este verán despois de que a Concellaría de Urbanismo conseguise a cesión dun terreo que porá a disposición dos e das bañistas 2.116 m2 de estacionamento preto do acceso principal.

25-05-2021 -

25-05-2021 -

Fene ao día

O Concello transfíre as 91 axudas concedidas ao abeiro do PEL-Reactiva

O Concello asinou hoxe mesmo as transferencias do PEL-Reactiva, das que se beneficiarán 91 negocios de Fene, practicamente todos establecementos comerciais e hostaleiros. Á convocatoria concorreron 169 negocios dos que un total de 91 resultaron beneficiarios da asignación inicial -a Deputación achegou para esta liña preto de 170.000 euros- mentres que 59 quedaron fóra por non cumprir as condicións e outros 19 por esgotamento do crédito provincial. Para estes últimos o Concello habilitará en breve unhas bases específicas dotadas con 46.000 euros, coa finalidade de que ningunha das solicitudes que cumprise os requisitos quede sen axuda.

21-05-2021 -

21-05-2021 -

Benestar e igualdade

Tardes activas dende a casa

Xa se pode descargar a entrega do mes de maio dos exercicios cognitivos deseñados polo Departamento de Servizos Sociais para persoas maiores de 55 anos. O documento, elaborado no marco do programa "Tardes activas dende a casa", estrutúrase nun reto á memoria para lembrar lugares do territorio por medio de fotografías, un conxunto de adiviñas e varios pasatempos imprimibles que teñen por finalidade manter o cerebro en forma.

19-05-2021 -

19-05-2021 -

Fene ao día

O Pleno dálle luz verde ao cambio de uso da antiga Escola do Pedrón

Un dos asuntos tratados no pleno do pasado 6 de maio foi o cambio da cualificación urbanística da antiga escola unitaria do Pedrón, en Magalofes, co obxectivo de pasala de equipamento educativo ao equipamento social que xa viña tendo desde hai case 30 anos como sede do Radio Club Fene Alfa-Charlie. A mudanza na cualificación -aprobada por unanimidade- foi precedida da desafectación do inmoble como escola por parte da Xunta, de maneira que a partir de agora se poderá facer calquera intervención sen necesidade de autorización previa da Consellaría de Educación.

18-05-2021 -

18-05-2021 -

Cultura

O Concello de Fene conmemora o Día de Rosalía cunha representación teatral no Círculo de Perlío

O Concello de Fene lembra esta semana á escritora galega máis universal co espectáculo “Rosalía, o lugar onde medran as poetas”. A función terá lugar o domingo, 23 de maio, ás 12.00 horas no CCRD de Perlío e vai dirixida ao público familiar, aínda que está especialmente recomendada para nenas e nenos maiores de 8 anos. Entrada de balde até completar o aforo (55 persoas), atendendo á normativa Covid.

Rosalía, o lugar onde medran as poetas é unha obra realizada por unha equipa de mulleres “intensamente vencelladas ao teatro de palabras para espectadores e espectadoras que viven no país da infancia”. Dirixe a peza a actriz e directora Fina Calleja, responsable de moitas das montaxes infantís e xuvenís da premiada compañía Sarabela. Dúas actrices forman o reparto, Rocío González e Cristina Collazo, as dúas imprescindibles nos últimos anos nos escenarios máis variados e nas pantallas da televisión e do cine de Galicia.

14-05-2021 -

14-05-2021 -

Fene ao día

O Concello de Fene ultima a renovación das carpintarías e a adaptación dos baños da casa consistorial

Durante esta última semana completouse a instalación dos novos ventanais da Casa do Concello de Fene, como parte dun proxecto financiado con cargo ao POS+ que persegue mellorar o illamento térmico do edificio e adaptar os aseos dos distintos andares á normativa de accesibilidade. Os traballos, executados por Desarrolla Obras y Servicios, adxudicáronse en 176.787 euros, ive incluido. Un importe que, porén, se verá incrementado finalmente en arredor de 14.000 euros debido a varios aspectos que non ían recollidos no deseño técnico e que agora cumprirá corrixir. En calquera caso, desde o Goberno local agárdase que as obras finalicen en breve, de cara a recuperar o normal funcionamento dos distintos servizos que se viron afectados, ao igual que as persoas usuarias, polo desenvolvemento destas melloras.