Novas

28-02-2022
28-02-2022

Exit en concerto no entroido fenés

O entroido en fene continuará na xornada de mañá martes 1 de marzo, Martes de Entroido, co concerto "Tributo hard rock", a cargo do grupo EXIT. A actuación terá lugar na praza do alcalde Ramón José Souto González a partir das 20.00 horas, con entrada de balde, aforo limitado e reserva previa de localidades até as 14:00h do martes (prazo ampliado) no correo-e cultura.deportes@fene.gal, no teléfono/whatsapp 687 709 137 ou no teléfono 981 340 366.
Ver máis
25-02-2022
25-02-2022

Homenaxes, música e desfile de comparsas no Entroido 2022 do Concello de Fene

Cun acto institucional en lembranza de "Franki" e "Chalo", membros da Asociación Cultural "O Tadetas" de Fene que faleceron en 2010 e 2020, respectivamente, comezará o vindeiro luns o Entroido no Concello de Fene. Como xa se avanzou días atrás, o programa deste ano inclúe para o martes 1 de marzo un concerto "Tributo hard rock", a cargo do grupo Exit, e o tradicional desfile de comparsas que finalizará coa queima do Meco e cun espectáculo pirotécnico, o mércores día 2. Ao peche do prazo de inscrición aberto polo Concello, serán un total de 8 agrupacións as que protagonicen o pasarrúas do Mércores de Cinza, festivo local.
Ver máis
18-02-2022
18-02-2022

Acto institucional e concerto de Roger de Flor e os Peregrinos para conmemorar o Día de Rosalía

O Concello de Fene lembrará a vindeira semana á escritora galega máis universal, sumándose ás distintas administracións e entidades culturais e educativas que conmemoran a efeméride do nacemento da poetisa. Aínda que, até o de agora, a data de celebración do Día de Rosalía era o 24 de febreiro, recentemente trasladouse ao 23, logo da presentación dun estudo que acredita a data de nacemento real da escritora nese día. Precisamente, será o vindeiro mércores, 23 de febreiro, cando Concello de Fene homenaxee a Rosalía cun acto institucional ás 20.00 horas, no parque adicado á escritora, en Perlío. Ao día seguinte, o xoves 24, o programa artellado pola Concellería de Cultura continuará cun concerto de Roger de Flor e Os Peregrinos co espectáculo "Lúa descolorida: tributo a Rosalía". A cita será ás 20.00 horas, na Casa da Cultura, con entrada de balde até completar o aforo. Actividades dirixidas a todos os públicos.
Ver máis
16-02-2022
16-02-2022

Fene mantén o seu Entroido pero adaptado á pandemia

A Concellería de Cultura ultima os preparativos do Entroido 2022 que celebrará nas xornadas do martes 1 e mércores 2 de marzo, festivo local no Concello de Fene. Á vista da situación sanitaria e tendo en conta as recomendacións das autoridades para que se eviten actividades que supoñan grandes concentracións de xente, nesta edición o Goberno Municipal acordou prescindir da festa infantil do martes e do festival de comparsas que tradicionalmente se desenvolvía na xornada do mércores de cinza. Sí mantén o desfile de comparsas – para o que xa está aberto o prazo de inscrición- e a queima do Entroido que finalizará o mércores cun espectáculo pirotécnico. O programa complétase cun concerto, “Tributo hard rock”, que terá lugar o martes a cargo do grupo Exit.

As comparsas interesadas en participar no Entroido de Fene 2022 teñen de prazo até as 14.00 horas do venres 25 de febreiro para inscribirse no Rexistro Xeral do Concello (bases publicadas na web municipal) e optar ás axudas que establece o Concello de Fene para fomentar a participación da veciñanza nos actos do Entroido.
 
Ver máis
03-01-2022
03-01-2022

As esculturas de Moxom amósanse desde este venres na Casa da Cultura

“De boas madeiras” é o título da mostra que abre o calendario de exposicións da Casa da Cultura de Fene neste 2022. O escultor ourensán Xosé Manuel Rodríguez “Moxom” está detrás desta colección na que se poderán ver até o vindeiro 31 de xaneiro un total de 16 obras de diversos tamaños. Primordialmente son “figuras femininas, con rostros e posturas naturais, con moita cor, lembrando os meus inicios no mundo do cómic”, afirma Moxom. Aínda que este venres 7 de xaneiro o horario de visitas será unicamente de mañá, de 10.00 a 14.15 horas (e o sábado 8 e o domingo 9 a instalación permanecerá pechada), a partir do vindeiro luns, 10 de xaneiro, a mostra poderá visitarse de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas. Os domingos e festivos a Casa da Cultura de Fene está pechada.
Ver máis
29-12-2021
29-12-2021

O Concello de Fene mantén a Recepción Real das SSMM Os Reis Magos pero prescinde da Cabalgata por mor da situación sanitaria

Melchor , Gaspar e Baltasar visitarán Fene o vindeiro 5 de xaneiro pero, desta vez, non percorrerán as principais rúas do casco urbano do concello senón que ofrecerán unha Recepción Real na praza do alcalde Ramón José Souto González. Atendendo ás recomendacións das autoridades sanitarias que, por motivos de saúde pública, non aconsellan facer este ano Cabalgatas, substituíndoas por actos estáticos e con aforo controlado, o Concello de Fene acordou organizar desta vez un acto no que os nenos e nenas poderán fotografarse coas SSMM, mantendo as distancias, e depositar a súa carta na caixa de correo real. Para controlar a capacidade e facilitar a participación, dende a concellería de Cultura elaborouse o correspondente protocolo de inscrición e un regulamento para o acceso á carpa.
Ver máis
28-12-2021
28-12-2021

O programa ContandoCiencia traerá a Fene a seis recoñecidos investigadores e divulgadores científicos galegos

A física especializada en atmosfera Susana Bayo, o astrofísico Borja Tosar, o físico e catedrático de electromagnetismo Jorge Mira, o inmunólogo José Gómez Rial, a psiquiatra Iria Veiga e o doutor en Bioloxía Xurxo Mariño, son os relatores convidados ao ciclo ContandoCiencia que organiza a Biblioteca do IES de Fene coa colaboración da Concellería de Ensino de Fene. O programa, que ten por obxecto achegar a ciencia á poboación, estará aberto ao público en xeral e arrincará o mércores 12 de xaneiro coa primeira charla sobre “A pelexa da ciencia contra o cambio climático”. Todas as conferencias serán na Casa da Cultura de Fene, un mércores ao mes e sempre ás 19.30 horas, con entrada libre até completar o aforo.
Ver máis
28-12-2021
28-12-2021

Cancelado o concerto de Exit que ía ter lugar este xoves a carón da Casa do Concello

A Concellería de Cultura informa da cancelación do concerto de Exit, "Tributo Hard Rock", que estaba previsto para as 20.00 horas deste xoves, 30 de decembro, na praza do alcalde Ramón José Souto González, por mor dalgún positivo Covid no seo da banda. A actuación, incluída na programación de Nadal do Concello de Fene, adíase para cando a situación sanitaria o permita, comunicándose proximamente a nova data.
Ver máis
20-12-2021
20-12-2021

BellónMaceiras presenta este xoves na Casa da Cultura o seu primeiro conto musicado, A Música das buguinas

BellónMaceiras, o dúo formado por Daniel Bellón e Diego Maceiras, presenta este xoves, ás 12.00 horas, na Casa da Cultura o seu primeiro conto musicado dirixido ao público infantil e familiar. A partir dun texto de Pepablo Patinho, BellónMaceiras constrúe a banda sonora de "A Música das buguinas" cunha selección de temas populares e composicións propias.  A entrada á presentación do xoves será con reserva de praza no correo cultura.deportes@fene.gal, no teléfono 981 340 366 (en horario de mañá), ou por whatsapp, no 607625357, xa que o aforo é limitado.
Ver máis
17-12-2021
17-12-2021

O vindeiro mércores cambia o horario da Biblioteca, Museo do Humor e Casa da Cultura de Fene

Coa chegada do nadal, a concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor e sala de exposicións temporais) que coincidirá, como é habitual, co comezo das vacacións escolares. Así, dende o mércores 22 de decembro e até o vindeiro 9 de xaneiro, inclusives, o horario da instalación será de luns a venres, de 10.00 a 14.15 horas.
Os días 24 e 31; así como os sábados, domingos e festivos; a Casa da Cultura de Fene permanecerá pechada.
Ver máis
1 2 ...17 18 1920 21 ...52 53 >>