Novas

08-01-2021 -
08-01-2021 -
Fene ao día

O Concello recomenda a precaución nas estradas tras esparcir sal por mor do xeo

Logo de avaliar o estado das estradas e camiños do termo municipal e para evitar novas saídas de vía provocadas polo xeo (como as que se produciron onte na zona do Barreiro e na ponte do Belelle), o Concello de Fene está a botar sal dende primeiras horas da mañá nalgunhas das estradas máis afectadas polas xeadas das últimas horas coma os accesos á Avda das Pías (á altura das vivendas do Castro), a Avda. do Tarrío ou Avda. Sixto Mauriz.
 
Ver máis
30-12-2020 -
30-12-2020 -
Fene ao día

Terceiro programa de Tardes Activas dende a Casa

Xa se pode descargar o terceiro paquete de exercicios cognitivos deseñados polo Departamento de Servizos Sociais para persoas maiores de 55 anos. O documento, elaborado no marco do programa "Tardes activas dende a casa", estrutúrase nun reto á memoria para lembrar lugares do territorio por medio de fotografías, un conxunto de adiviñas e varios pasatempos imprimibles que teñen por finalidade manter o cerebro en forma.
Ver máis
28-12-2020 -
28-12-2020 -
Cultura

Abre o prazo de reserva de entradas para a Recepción Real que ofrecerán os Reis Magos de Oriente o 5 de xaneiro en Fene

Na Casa do Concello de Fene instalouse esta mañá o Buzón Real no que os nenos/as que o desexen poden depositar as cartas coas súas peticións de agasallos de cara á festividade de Reis. Ademais, as persoas que queiran asistir á Recepción de Melchor, Gaspar e Baltasar que terá lugar na Praza do alcalde Ramón José Souto González o vindeiro martes 5 de xaneiro, poden solicitar praza dende hoxe e até o mércores desta semana, así como o vindeiro luns 4 de xaneiro, en horario 9:00 a 13:30 horas. As reservas poderán realizarse por teléfono (981 340 366), whatsapp (607 625 357) ou correo electrónico (cultura.deportes@fene.gal).
Ver máis
24-12-2020 -
24-12-2020 -
Fene ao día

O Concello instala un novo ascensor na piscina municipal de Centieiras

Este mércores entrou en funcionamento o novo ascensor instalado polo Concello na piscina municipal, co que se mellora a accesibilidade e usabilidade das instalacións, especialmente para persoas que precisen cadeira de rodas ou que teñan a mobilidade reducida. No equipamento, con capacidade para 8 persoas, investíronse 22.827,22 euros e, ademais, supón a adaptación do elevador á normativa de obrigado cumprimento sobre dimensións mínimas e seguridade.
Ver máis
23-12-2020 -
23-12-2020 -
Benestar e igualdade

Un Nadal Solidario

O Concello de Fene, en colaboración coa entidade Dignidade Ferrol repartirá o xoves día 24 de decembro 45 menús de Noiteboa para aquelas persoas e familias que están a pasar por unha situación de precariedade, que en moitos casos veuse agravada pola situación provocada pola COVID-19.

Ademais a Concellería de Servizos Sociais, Benestar e Igualdade do Concello de Fene quere agradecer a todas as persoas e entidades que colaboraron nestas datas dun xeito desinteresado có noso Concello, aportando solidariedade nun momento tan especial como é o Nadal. 
Ver máis
23-12-2020 -
23-12-2020 -
Fene ao día

CONSELLERÍA DE MEDIO AMBIENTE, TERRITORIO E VIVENDA, CONCEDEU AO CONCELLO DE FENE UNHA AXUDA PARA A REALIZACIÓN DO PROXECTO “FOMENTO DO COMPOSTAXE IN SITU”.

Ao abeiro da ORDE do 5 de maio de 2020 pola que se establecen as bases reguladoras para a concesión de axudas a entidades locais de Galicia para o financiamento de actuacións en materia de residuos de competencia municipal, cofinanciadas polo Fondo Europeo de Desenvolvemento Rexional con cargo ao programa operativo Feder Galicia 2014-2020, e se procede á súa convocatoria en réxime de concorrencia competitiva para os anos 2020-2021 (código de procedemento MT975I), a Consellería de Medio Ambiente, Territorio e Vivenda concedeu ao Concello de Fene unha subvención dentro da Liña 2: actuacións destinadas á prevención, recollida separada e valorización dos biorresiduos destinados ao fomento da compostaxe in situ.
A instalación de compostadoras servirá con carácter principal ao entorno inmediato, a recollida selectiva de residuos atende a toda a poboación que se pode considerar nun total de 13.000 habitantes.
Ver máis
23-12-2020 -
23-12-2020 -
Fene ao día

O Concello de Fene e a asociación INDICAN emprenden a campaña de concienciación "As vidas non se compran" sobre a tenza responsable de cans e a prevención do seu abandono

O Concello de Fene, a través da Concellaría de Medio Ambiente, e maila asociación Iniciativa Dignidad Canina -INDICAN- acaban de poñer en marcha unha campaña de sensibilización cidadá con dous obxectivos principais: evitar a merca de cans durante o Nadal e concienciar sobre os coidados e a responsabilidade que implica facerse cargo dunha mascota que se converterá nun membro máis da familia. A iniciativa -que vai acompañada de material divulgativo- tamén pretende fomentar a adopción como alternativa, coa finalidade de aliviar o ateigamento da canceira de Mougá e doutras protectoras que traballan na comarca.
Ver máis
22-12-2020 -
22-12-2020 -
Benestar e igualdade

O Concello imparte nos centros educativos obradoiros para fomentar o uso responsable das TICs

A Concellería de Benestar Social e Igualdade vén de poñer en marcha nos centros educativos de Fene unha serie de obradoiros para fomentar o uso responsable das novas tecnoloxías baixo o título “Desenrédate! Prevención de adiccións e bo uso das TIC”. Comezaron este mes de decembro e prolongaranse ata febreiro. En concreto, os centros educativos acollidos ao programa son o CPI Xunqueira;  IES Fene e CEIP Os Casais. 
Ver máis
22-12-2020 -
22-12-2020 -
Cultura

Este mércores abre o prazo de reserva de entradas para o concerto que ofrecerá Nuevo Plan en Fene

A praza do alcalde Ramón José Souto González acollera o mércores 30 de decembro, ás 20.00 horas, o concerto de Nuevo Plan “Os mellores hits do pop nacional”, espectáculo organizado pola concellería de Cultura no marco do ciclo “Un Nadal diferente”. As entradas para o concerto poranse a disposición do público este mércores 23 de decembro, ás 9.00 horas, na páxina de Ataquilla.com (https://entradas.ataquilla.com/ventaentradas/es/). Serán de balde ate completar aforo (146 localidades) pero cada persoa só poderá reservar un máximo de dous pases, rexistrando os datos das 2 persoas que acudirán ao mesmo.
Ver máis
21-12-2020 -
21-12-2020 -
Cultura

Cambio de horario na Casa da Cultura durante o Nadal

A concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor e sala de exposicións temporais) durante o Nadal. Así, a partir deste mércores 23 de decembro, as instalación da Avda. de Conces, 20-22, permanecerán abertas ao público de luns a venres de 10.00 a 14.15 horas (o préstamo na Biblioteca pecha 10 minutos antes). Os días 24 e 31 de decembro, sábados, domingos e festivos, a Casa da Cultura permanecerá pechada. Nesas xornadas, os materiais depositados no buzón de empréstitos constarán como devoltos o último día de apertura da biblioteca.

O horario habitual da Casa da Cultura de Fene retomarase o venres 8 de xaneiro.
Ver máis
1 2 ...100 101 102103 104 ...319 320 >>