Novas

17-06-2022 -
17-06-2022 -
Fene ao día

Xullo, Mes de Patria no Concello de Fene

Cun concerto de Xabier Díaz e as Adufeiras do Salitre comezará o venres 1 de xullo o ciclo “Xullo, mes da Patria” que engloba toda a programación organizada pola Concellería de Cultura de Fene ao redor da conmemoración do 25 de xullo, Día da Patria Galega. O ciclo incluirá un monólogo con Pepo Suevos (7 de xullo), festa infantil (8 de xullo), o tradicional Festival de Habaneras e Canto Coral (12 de xullo), pasacalles con Trópico de Grelos + Afro Axé (13 de xullo) e os concertos de Blues do País – Sindicato da Verbena (14 de xullo), Ruxe Ruxe (21 de xullo) e Boyanka Kostova (22 de xullo). O programa concluirá o sábado 23 de xullo coa lectura da declaración institucional polo Día da Patria Galega, a cargo da escritora Ánxela Loureiro.
Ver máis
16-06-2022 -
16-06-2022 -
Fene ao día

O Concello de Fene licita en case 70.000 euros o repintado dos porches e do balcón da sede municipal

O Concello de Fene pechou hai tan só uns días o prazo de recepción de ofertas para renovar a pintura dos porches e do balcón da casa consistorial. Os traballos están orzamentados en 69.705,58 euros, ive incluído, e con eles faráselle un profundo lavado de cara ao entorno da praza do Alcalde Ramón José Souto González, escenario dos eventos principais organizados polo Concello ao longo do ano.  O proxecto presentouse a unha convocatoria de axudas da Consellaría de Medio Ambiente, Territorio e Vivenda que finalmente veu denegada por esgotamento de crédito.
Ver máis
15-06-2022 -
15-06-2022 -
Deporte

Exhibición das Escolas Deportivas Municipais este venres no pavillón da Xunqueira

O pavillón da Xunqueira, en San Valentín, albergará o venres, 17 de xuño, a Exhibición de Escolas Deportivas Municipais. Unha cita que comezará ás 17 horas e na que tomarán parte os nen@s e moz@s que, ao longo do curso, asistiron ás actividades deportivas do Concello.

Así, o público asistente poderá seguir as exhibicións do alumnado das clases de judo, kárate, ximnasia rítmica, atletismo, pequedeporte, baloncesto, patinaxe e baile moderno. 
Ver máis
15-06-2022 -
15-06-2022 -
Benestar e igualdade

Clausura do programa Tardes Compartidas nas sociedades de Fene

Coincidindo coa fin do curso escolar, a Concellería de Benestar Social e Igualdade pecha estes días en distintas entidades veciñais e culturais do concello unha nova edición das "Tardes Compartidas", programa no que se incluíron dous obradoiros encamiñados a acadar un envellecemento activo. Dende principios do pasado mes de novembro, a AVV Limodre e o CPS de San Valentín acolleron o obradoiro "+ memoria" co obxectivo de "previr o deterioro cognitivo a través de exercicios eminentemente prácticos, favorecendo a autonomía persoal". Pola súa parte, na SCRD Agarimo, na Liga de Amigos de Barallobre, no CCRD Perlío e na AVV San Xurxo de Magalofes desenvolveuse a actividade "Recordando o noso" na que se traballaron "as diferentes funcións cognitivas dende unha perspectiva máis dinámica, aportando vivencias. O obxectivo principal era facer unha recuperación da historia da parroquia ou outras temáticas que elixiron as persoas participantes en cada grupo"
Ver máis
14-06-2022 -
14-06-2022 -
Fene ao día

Andaina este sábado en Fene no 14º aniversario do programa de educación física contra a fatiga oncolóxica de Por+Vida

No 14º aniversario do programa de educación física contra a fatiga oncolóxica, Por+Vida organiza este sábado 18 de xuño unha Andaina dirixida a toda a veciñanza. Con ela, e unha cea baile solidaria, recadaranse fondos para a investigación contra o cancro e, na mesma, colabora o Concello de Fene.

A andaina partirá ás 18.00 horas da praza do Alcalde Ramón Souto González, aínda que dende as 17.00 horas está prevista a recollida de dorsais para as persoas participantes. O percorrido é apto para todas as idades e condicións físicas e estímase nunha hora. Logo da lectura do manifesto, e para continuar co ámbito festivo, a asociación convidará ao público asistente a disfrutar de diferentes actuacións musicais e sorteos.
Máis tarde, ás 22.00 h no CMI Unidade de Fene, a asociación ven de anunciar unha cea baile, e destinan a súa recadación ao Programa de atención socio-cultural infantil hospitalaria da Asociación de axuda a nenos oncolóxicos de Galicia no Hospital de Santiago de Compostela

Unha cita á que está convidada toda a veciñanza
Ver máis
13-06-2022 -
13-06-2022 -
Deporte

Fin de curso nas escolas municipais de piscina

A Concellería de Deportes organiza unha festa acuática para despedir o curso nas escolas municipais de piscina.
Será o vindeiro sábado, 18 de xuño, nas instalacións de Centieiras e poderá asistir o alumnado das escolas municipais matriculado no mes de maio en natación para bebés, 1ª infancia ou natación infantil (iniciación e perfeccionamento).
Haberá inchables acuáticos e multitude de xogos para todos os participantes.
A xornada desenvolverase atendendo ao seguinte cronograma:
De 10.00 a 11.00 horas será a festa para BEBÉS que, nesta ocasión, poderán estar
acompañados de dúas persoas adultas.
De 11.00 a 12.00 horas será a festa para o alumnado de 1ª INFANCIA, acompañados
dunha persoa adulta.
De 12.00 a 13.00 horas, será a festa para o alumnado de natación INFANTIL que
deberá acceder á piscina sen acompañante.
Ver máis
10-06-2022 -
10-06-2022 -
Fene ao día

As áreas de Servizos e Medio Ambiente adiantan a preparación dos areais feneses

O Concello de Fene levou a cabo a primeiros deste mes de xuño os labores de acondicionamento das praias da costa municipal. Os traballos centráronse no peneirado e limpeza da area, pero tamén na reposición de mobiliario -duchas e outro equipamento- e no adecentamento tanto dos accesos como do entorno de cada un dos areais. O consistorio adianta a preparación das zonas de baño en case un mes con respecto ao que viña sendo habitual, co obxectivo de que todo estea en orde de revista para o inicio oficial do verán e a noite do San Xoán.
Ver máis
10-06-2022 -
10-06-2022 -
Museo do Humor Xaquín Marín

Comeza a restauración do mural de Xaquín Marín na Avenida das Pías

Usuarios do Centro Ocupacional de Aspaneps Fene iniciaron esta semana as tarefas de repintado do mural “Todos metidos nun bote” que o Concello de Fene quere recuperar no marco do programa de actividades organizadas ao redor da exposición “Volta á orixe” (Museo do Humor). A obra, pintada orixinalmente pola Asociación de Amigos do Museo do Humor no ano 1996, foi realizada a partir dun debuxo de Xaquín Marín no que se representa a Castelao, Charles Chaplin, Miguel de Cervantes, Samuel Becket e Mark Twain a bordo dun barco no que o debuxante Chichi Campos, dende a proa, lanza un salvavidas a un náufrago.
Ver máis
10-06-2022 -
10-06-2022 -
Deporte

Deporte na rúa, submarinismo, caiac, paddle-Surf, ximnasia de mantemento e o campamento no CMI Unidade de Fene engádense á oferta lúdica municipal para o verán

O Concello de Fene desenvolverá ao longo do mese de xullo o campus lingüístico e de conciliación "Verán máis alá", que ten aberto estes días o prazo de matriculación. Porén, a maiores destas actividades para rapazada de 3 a 12 anos, o consistorio tamén ten preparadas outras propostas dirixidas tanto a nenas e nenos como a mocidade e persoas adultas. Así, o próximo 3 de xullo volve o Día do Deporte na Rúa e desde principios de mes e ata mediados de agosto poderemos gozar das augas de Almieiras navegando en caiac ou practicando paddle surf. A auga terá un protagonismo especial nas propostas municipais de lecer, xa que o domingo 26 de xuño celebrarase unha proba do circuito galego de fotografía subacuática e tan só uns días despois, o sábado 9 e o domingo 10 de xullo, organízanse dúas sesións de iniciación ao submarinismo para rapazada e persoas adultas. Durante os dous meses centrais do verán tamén teremos ximnasia de mantemento ao aire libre no paseo marítimo de San Valentín e o Concello e o CMI Unidade de Fene volven colaborar levando adiante nos primeiros días de agosto o campamento lúdico e deportivo, que terá lugar nas instalacións da entidade ofertando 40 prazas. Para anotarse nestas actividades -agás para a ximnasia, que non o require e será de balde- hai que pasar polo Departamento de Deportes entre o 13 de xuño e o 6 de xullo.
Ver máis
09-06-2022 -
09-06-2022 -
Fene ao día

Fene acolle este sábado 11 de xuño unha nova edición da súa Fashion Night

Durante a Fashión Night de Fene, as persoas que se acheguen a mercar nos establecementos comerciais participantes poderán beneficiarse de importantes descontos e sorteo. Ademais, nos locais de hostalería que figuran no programa realizaranse degustacións e unha morea de sorpresasOutros atractivos do evento serán os desfiles de moda, as sesións de animación pola rúa, os talleres infantís e a música. O evento está organizado pola asociación de comercio, hostalería e servizos O Cruceiro coa colaboración do Concello de Fene.
Ver máis
1 2 ...102 103 104105 106 ...140 141 >>