Novas

19-02-2020 -
19-02-2020 -
Cultura

Cambio de horario na Casa da Cultura durante o Entroido

A Concellería de Cultura informa dos cambios no horario de apertura e atención ao público da Casa da Cultura, Biblioteca Municipal “Pérez Parallé” e Museo do Humor de Fene, por mor das festas do Entroido.
Así, o sábado 22 de febreiro, estas instalacións permanecerán pechadas. O luns 24 e o martes 25 de febreiro, o horario será de 10:00 a 14:15 horas. E o mércores 26 de febreiro, festivo local no Concello de Fene, a Casa da Cultura permanecerá pechada.
A partir do xoves 27 de febreiro, reanudarase o horario habitual de inverno: de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas.
Ver máis
17-02-2020 -
17-02-2020 -
Cultura

Últimas prazas libres para os obradoiros de disfraces e cociña entroideira

Este mércores, 19 de febreiro, remata o prazo para anotarse no “Obradoiro de disfraces e xincana” e no taller “Cociñamos en familia!” que organiza a Concellería de Cultura de Fene no marco do ciclo “Fene vai de entroido”. Os/as pequenos/as que desexen apuntarse poden facelo no Departamento de Cultura do Concello de Fene (Avda. Naturais, 44, entrechán dta.) até o mércores, incluído, en horario de 8.30 a 14.00 horas.

O obradoiro de cociña entroideira “Cociñamos en familia!” terá lugar o luns 24 de febreiro, de 17 a 19 horas, no local do CCRD de Perlío. Vai dirixido a nenos e nenas de 3 a 12 anos (acompañados dunha persoa adulta). Nel, os/as participantes elaborarán en parellas doces típicos do Entroido coma rosquillas, orellas ou torradas. A actividade é de balde pero o número de prazas é limitado (12 nenos/as + 12 adultos).
Ver máis
11-02-2020 -
11-02-2020 -
Cultura

Fene vai de Entroido

Até o vindeiro 19 de febreiro o Concello de Fene mantén aberto o prazo de inscrición para as agrupacións que queiran participar no desfile e festival de comparsas que terá lugar o mércores 26 de febreiro, festivo local no Concello de Fene. Como é tradicional, o programa deste día grande do Entroido fenés completarase coa lectura do Testamento, a queima do Antón e cun espectáculo pirotécnico que dará paso á actuación da orquestra Panamá. Pero as actividades do ciclo "Fene vai de Entroido" comezarán xa o luns 24 cun obradoiro de cociña entroideira.
Ver máis
10-02-2020 -
10-02-2020 -
Benestar e igualdade

Concentración de condea e rexeitamento polo asesinato por violencia machista en Lugo

Dende a Concellaría de Igualdade do Concello de Fene, convócase para o martes 11 de febreiro de 2020 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA DE CLARA Mª EXPÓSITO VILANOVA de 49 anos Veciña de Lugo.

Clara foi asasinada este sábado pola parella, Francisco Javier B.F., de 47 anos, en Lugo pagando coa súa vida a discriminación e a desigualdade que padecemos todas as mulleres polo mero feito de ser mulleres. Este asasinato constitúe o segundo acto de violencia machista en Galicia no que vai de ano.


Agradecemos de antemán a vosa asistencia como xesto de condea, repulsa e solidariedade.
Ver máis
05-02-2020 -
05-02-2020 -
Fene ao día

O Concello organiza unhas xornadas de intelixencia emocional para o alumnado de Fene

A concelleira de Ensino, Juana Barro, informou esta mañá de que o Concello de Fene organizará unhas xornadas de intelixencia emocional dirixidas ao alumnado de Educación Primaria –de 3º a 6º curso- e da ESO –de 1º a 4º- empadroado en Fene ou matriculado nalgún dos centros de ensino da localidade. Estarán impartidas por Fátima García, psicóloga e coach, e María Cayón –facilitadora- e, nelas, desenvolveranse habelencias de intelixencia emocional nunha contorna lúdica. Descubriranse así mesmo emocións e como xestionalas, e potenciarase a autoestima.
Ver máis
04-02-2020 -
04-02-2020 -
Cultura

Mostra artística Noelia Lago e Hortensia Losada na Casa da Cultura de Fene

A concelleira de Cultura, Rocío Bértoa, informou esta mañá de que a Casa da Cultura de Fene estrea exposición baixo o título “Mostra artística Noelia Lago e Hortensia Losada”. Obras de pintura ao óleo, acuarela, poesía e arte manual que poderán verse a partir de mañá mércores na sala de exposicións temporais. Aínda así, o acto de inauguración oficial terá lugar o venres 7 de febreiro ás 20 horas, con entrada libre.

A partir de entón, a mostra poderá visitarse de luns a venres de 10 a 13 h e de 16 a 21 h; os sábados de 10 a 13 h, e os días 24 e 25 de febreiro de 10 a 14,15 horas. O sábado 22 e o mércores 26, a sala permanecerá pechada.
Ver máis
30-01-2020 -
30-01-2020 -
Deporte

VIII Trofeo de Baile Deportivo Concello de Fene este domingo no pavillón de A Xunqueira

O pavillón de A Xunqueira, en San Valentín, acollerá este domingo 2 de febreiro a VIII edición do Trofeo de Baile Deportivo Concello de Fene. Puntuable para o ránking nacional, celebrarase en horario de 11,30 a 20 horas coa participación de bailaríns e bailarinas de todas as idades.

Así, a competición estará dividida en catro bloques: Categoría Bailes Caribeños (de 11,30 a 12,45 horas); Categoría Standard (de 13,45 a 16 horas); Categoría Danza Coreográfica e Open Latino (de 17 a 17,55 horas) e Categoría Latinos (de 18,45 a 19,45 horas). Ao remate de cada unha, celebrarase a correspondente entrega de trofeos.

A cita está organizada por Fene Movemento coa colaboración da Concellería de Deportes de Fene.
Ver máis
30-01-2020 -
30-01-2020 -
Fene ao día

A unidade móbil de doazón de sangue desprázase a Fene este venres e sábado

A unidade móbil de doazón de sangue desprazarase esta semana a Fene por partida doble. Permanecerá diante do centro de saúde mañá venres 31 de xaneiro de 15,30 a 21 horas e o sábado 1 de febreiro de 10 a 15 horas. Nesta liña, dende o Concello, anímase á veciñanza a tomar parte na campaña de doazón.

A doazón é un acto cómodo, sinxelo e que non perxudica a saúde, permitindo a moitas persoas resolver graves problemas de saúde e mesmo salvar a súa vida. Para doar sangue só é preciso ter máis de 18 anos, pesar máis de 50 quilos e non padecer nin ter padecido enfermidades transmisibles polo sangue (hepatites B ou C, sífilis ou SIDA). Antes da doazón, un profesional médico do Centro de Transfusión de Galicia verifica o cumprimento destes requisitos, e realiza unha breve entrevista confidencial para descartar calquera aspecto que puidera impedir a doazón.
Ver máis
28-01-2020 -
28-01-2020 -
Cultura

Clausura este mércores en Fene da mostra “Poñendo luz á noite”

A sala de exposicións temporais da Casa da Cultura-Museo do Humor acollerá este mércores 29 de xaneiro o acto de clausura da exposición “Poñendo luz á noite”, da pintora fenesa Ana Basoa Rioboo. Será a partir das 20 horas e, nel, a artista fará balance do paso da mostra por Fene, unha selección de retratos, bodegóns, flores, froitas… sempre dende o realismo. Así mesmo, o acto contará coa actuación de Humberto Basoa –guitarra e voz-.
Ver máis
27-01-2020 -
27-01-2020 -
Benestar e igualdade

Máis de 350 alumnos e alumnas de Educación Primaria de Fene, Mugardos e Neda participan no programa Cine e Saúde

Un total de 352 alumnos e alumnas de Educación Primaria de 9 centros educativos dos municipios de Fene, Mugardos e Neda participan este mes no programa Cine e Saúde que impulsan os tres concellos ao abeiro do proxecto de prevención de condutas aditivas e promoción da saúde no eido local e co apoio da Consellería de Sanidade.

A ferramenta pedagóxica coa que se traballa é o cinema. Así, mediante a proxección dunha película vaise profundizando e traballando en diferentes temas de interese relacionados coa prevención do consumo de drogas. O programa vai dirixido á poboación escolar de Primaria, ao profesorado que imparte clases neste nivel como axentes executores do mesmo e ás familias que, mediante as ANPAS, teñen a posibilidade de organizar sesións para traballar os contidos da película e con esa información desenvolver habilidades educativas que provoquen un efecto multiplicador na promoción da saúde.
Ver máis
1 2 ...127 128 129130 131 ...322 323 >>