Novas

03-06-2022 -
03-06-2022 -
Fene ao día

Clasificación sanitaria das zonas de baño en Fene

A xefatura territorial da Consellería de Sanidade vén de remitir ao Concello de Fene a clasificación sanitaria final das zonas de baño para a tempada 2022, cualificando de “Excelente” a calidade das augas en Almieiras, Coído, Maniños e Río Sandeu. Advirte, nembargantes que a zona de  Barallobre non é apta para o baño ao ser cualificada a súa auga como “Insuficiente”. A este respecto, o Goberno Municipal de Fene agarda que, coas actuacións realizadas no Carril recentemente (acometida de saneamento en varias vivendas e eliminación de vertidos), para a vindeira tempada de baño a auga desta zona estea en óptimas condicións.
Ver máis
03-06-2022 -
03-06-2022 -
Cultura

Asinados os convenios de colaboración correspondentes ás subvencións nominativas para os festivais Felicia Pop e Fenerock

O alcalde de Fene, Juventino Trigo, o concelleiro de Cultura, Justo Ardá, e representantes das asociacións Felicia A.C. e Os Centolos A.C. reuníronse este xoves na Casa do Concello para asinar os convenios de colaboración entre o Concello de Fene e ámbalas dúas entidades ao obxecto de organizar os festivais Felicia Pop e Fenerock 2022. Convenios que, no seu conxunto, suman 22.000€, a razón de 11.000€ para cada unha das sociedades. Con estas aportacións, o Goberno Municipal de Fene pretende apoiar a organización de dous certames que, pola súa traxectoria e especial interese, son xa un referente no calendario de festivais de música en Galicia.
Ver máis
02-06-2022 -
02-06-2022 -
Fene ao día

45 persoas participarán no dispositivo especial de seguridade das festas de Perlío

Perlío prepárase para encadear esta fin de semana tres intensos días de festa, os primeiros Santos pospandemia -ou nova normalidade- que vivirá a parroquia. Tres días que requirirán un plan de tráfico específico no epicentro da troula e nos seus arredores e que, ademais, levarán ao Concello a reforzar a seguridade na zona, principalmente na noite deste venres con motivo da actuación do Combo Dominicano. A orquestra canaria ten en Perlío a única data contratada para este verán en toda a comarca, razón pola que se agarda unha afluencia de público masiva. Para que todo transcorra sen incidencias, a Concellaría de Seguridade de Fene ten previsto un dispositivo con preto de medio cento de persoas implicadas, entre corpos de seguridade, protección civil e servizos médicos.
Ver máis
02-06-2022 -
02-06-2022 -
Fene ao día

O Concello de Fene foi beneficiario en 2022 de varias axudas da Deputación da Coruña para o mantemento de persoal técnico das Concellerías de Cultura e Deportes

Ao abeiro das convocatorias da Deputación da Coruña FO106, FO206 e FO216, o Concello de Fene recibiu en 2022 senllas subvencións do organismo provincial para o mantemento dos postos de técnica de deportes, animadora sociocultural municipal e responsable do Museo do Humor Xaquín Marín. A contía das axudas percibidas ascendeu a 45.000 € (a razón de 15.000€ para o posto de técnica de Deportes, 10.000€ para o de animadora sociocultural e 15.000€ para o de responsable do Museo do Humor Xaquín Marín)
Ver máis
01-06-2022 -
01-06-2022 -
Cultura

Fene participa na V edición de Primavera no Camiño Inglés

A Alameda de Góis de Sigüeiro (Oroso) acollerá este sábado a quinta edición de Primavera no Camiño Inglés, unha iniciativa promovida pola Asociación de Concellos do Camiño Inglés coa colaboración da Deputación da Coruña e o Concello de Oroso coa que se pretende poñer en valor os múltiples atractivos etnográficos, culturais, naturais e gastronómicos desta ruta xacobea. Participarán nesta xornada os 18 municipios polos que discorre o Camiño Inglés: A Coruña, Abegondo, Betanzos, Cabanas, Cambre, Carral, Culleredo, Fene, Ferrol, Mesía, Miño, Narón, Neda, Ordes, Oroso, Paderne, Pontedeume e Santiago de Compostela. E, segundo avanzan dende a organización, ao longo do día haberá actividades gastronómicas e culturais, baile, música, obradoiros gratuítos para nenos e nenas, e mercado de artesanía. O Concello de Fene estará representado nesta V Primavera no Camiño Inglés cun stand no que se achegará información turística aos visitantes. Ademais, ás 11.30 horas, está prevista unha actuación da Banda Xuvenil de Airiños de Fene.
Ver máis
31-05-2022 -
31-05-2022 -
Fene ao día

A caseta de turismo abre as súas portas

Dende o mércores 1 de xuño até o 30 de setembro a oficina de turismo de Fene, coa axuda da Deputación da Couña, atenderá a visitantes e veciñanza, en horario de mañá e tarde.


A oficina emprazada na Avenida Naturais abrirá no seguinte horario: 8.30 a 14.00h polas mañás e de 15.30 a 17.00h. polas tardes, de luns a venres.

Será unha técnica especializada, quen atenderá as consultas -ademais de desenvolver outros proxectos municipais relacionados con este ámbito- durante catro meses.

Sendo uns deses proxectos a presencia do Concello de Fene en eventos como o do vindeiro día 4 de xuño no  Concello de Oroso co gallo da celebración da Primavera no Camiño Inglés. Programación da Asociación de Concellos do Camiño Inglés, na que o Concello de Fene estará presente cun stand informativo e coa actuación  da Banda Xuvenil de Airiños de Fene.
 
 
 
Ver máis
31-05-2022 -
31-05-2022 -
Cultura

Festival de fin de curso das Escolas Municipais de Música

As Escolas Municipais de Piano e Guitarra 2021/22 do Concello de Fene chegan ao seu fin. Por este motivo, a Concellería de Cultura organiza para este xoves, 2 de xuño, o festival de clausura de ámbalas dúas actividades ás que asistiron ao longo do presente curso escolar ao redor de 40 persoas. O certame comezará o xoves ás 17 horas no salón de actos da Casa da Cultura de Fene e terá como protagonista ao alumnado infantil e xuvenil das devanditas escolas.
Ver máis
30-05-2022 -
30-05-2022 -
Deporte

Abre o prazo de preinscrición para o Campionato de Fotosub Concello de Fene

O domingo 26 de xuño terá lugar o Campionato de Fotosub “Concello de Fene”, organizado polo Club de Actividades Subacuáticas Nautilus coa colaboración do Concello de Fene e a Federación Galega de Actividades Subacuáticas (FEGAS). A proba, puntuable no Circuito Galego de Fotosub, desenvolverase entre as 8:30 e as 15.00 horas nas inmediacións da Punta do Faro de San Cristobal, como lugar principal, ou na praia de Cariño, dentro da ría de Ferrol, como lugar de reserva.
Ver máis
28-05-2022 -
28-05-2022 -
Fene ao día

O Concello amplía en 260 prazas o aparcamento do centro urbano

O Concello de Fene rematou recentemente a preparación de dúas parcelas de 4.000 metros cadrados situadas entre a rúa da Fraga e o río Cádavo co obxectivo de habilitalas  como grande zona de estacionamento. Ademais destas, o consistorio tamén está acondicionando outras dúas, unha de 2.000 metros cercana á Praza Verde e outra duns 1.500 situada ao carón do colexio Jorge Juan. Son en total 7.500 metros cadrados que axudarán a desconxestionar Marqués de Figueroa e que, ademais, proporcionan un espazo extra de aparcamento en citas con grande afluencia de xente, como por exemplo as Festas dos Santos que se celebrarán a próxima fin de semana en Perlío.  Calcúlase que as novas superficies, froito de acordos de cesión coa veciñanza, permitirán aparcar ata 260 vehículos.
Ver máis
27-05-2022 -
27-05-2022 -
Fene ao día

San Xoán e San Pedro 2022

O Concello de Fene abre o prazo de solicitude para a comunicación de fogueiras en terreos públicos e particulares  para o San Xoán e San Pedro 2022.

A comunicación afecta a aquelas luminarias que teñan lugar en terreos públicos e particulares, os días 23 e 28 de xuño, a partir das 20.00 horas e ata ás 01.00 horas dos días 24 e 29 de xuño respectivamente, quedando estas perfectamente apagadas.

Unicamente poderán realizarse aquelas luminarias que teñan afectuada a COMUNICACIÓN por escrirto ao Concello de Fene, acompañando DNI do/a responsable.

A presentación será no Rexistro Xeral do Concello ou no Rexistro electrónico desta entidade, por persoas maiores de idade, dende a data de sinatura do presente Bando, ata ás 14.00 horas do 22 de xuño de 2022. As luminarias poderán realizarse únicamente os días 23 e 28 de xuño e as súas respectivas madrugadas dos días 24 e 29 de xuño respectivamente.
 
Para máis información, descarga nos documentos achegados o modelo de comunicación e o bando informativo coas condicións xerais e específicas para a realización das luminarias.
 
Ver máis
1 2 ...64 65 6667 68 ...319 320 >>