Novas

10-06-2022 -
10-06-2022 -
Deporte

Deporte na rúa, submarinismo, caiac, paddle-Surf, ximnasia de mantemento e o campamento no CMI Unidade de Fene engádense á oferta lúdica municipal para o verán

O Concello de Fene desenvolverá ao longo do mese de xullo o campus lingüístico e de conciliación "Verán máis alá", que ten aberto estes días o prazo de matriculación. Porén, a maiores destas actividades para rapazada de 3 a 12 anos, o consistorio tamén ten preparadas outras propostas dirixidas tanto a nenas e nenos como a mocidade e persoas adultas. Así, o próximo 3 de xullo volve o Día do Deporte na Rúa e desde principios de mes e ata mediados de agosto poderemos gozar das augas de Almieiras navegando en caiac ou practicando paddle surf. A auga terá un protagonismo especial nas propostas municipais de lecer, xa que o domingo 26 de xuño celebrarase unha proba do circuito galego de fotografía subacuática e tan só uns días despois, o sábado 9 e o domingo 10 de xullo, organízanse dúas sesións de iniciación ao submarinismo para rapazada e persoas adultas. Durante os dous meses centrais do verán tamén teremos ximnasia de mantemento ao aire libre no paseo marítimo de San Valentín e o Concello e o CMI Unidade de Fene volven colaborar levando adiante nos primeiros días de agosto o campamento lúdico e deportivo, que terá lugar nas instalacións da entidade ofertando 40 prazas. Para anotarse nestas actividades -agás para a ximnasia, que non o require e será de balde- hai que pasar polo Departamento de Deportes entre o 13 de xuño e o 6 de xullo.
Ver máis
09-06-2022 -
09-06-2022 -
Fene ao día

Fene acolle este sábado 11 de xuño unha nova edición da súa Fashion Night

Durante a Fashión Night de Fene, as persoas que se acheguen a mercar nos establecementos comerciais participantes poderán beneficiarse de importantes descontos e sorteo. Ademais, nos locais de hostalería que figuran no programa realizaranse degustacións e unha morea de sorpresasOutros atractivos do evento serán os desfiles de moda, as sesións de animación pola rúa, os talleres infantís e a música. O evento está organizado pola asociación de comercio, hostalería e servizos O Cruceiro coa colaboración do Concello de Fene.
Ver máis
08-06-2022 -
08-06-2022 -
Cultura

Admitidos/as no verán máis alá 2022

Publicado o listado de admitidos/as no verán máis alá 2022. Nesta fase de matriculación, os pais/nais deberán achegar a documentación especificada nas bases do programa: ficha de datos, ficha médica, informe médico (de ser preciso), declaración de autorizacións, fotografía, xustificante de pagamento da cota, copia da tarxeta sanitaria,.....
Tamén neste caso, a achega de documentación poderá realizarse por vía telemática e de maneira presencial (solicitando cita previa a partir do día 9 de xuño no teléfono 981.340.366 )

As familias con praza poderán formalizar a matriculación en "Verán Máis Alá" do día 15 ao 17 de xuño.

O custo da actividade para o mes completo é 68,15 € (2º membro da unidade familiar 36,70 €); para unha quincena o custo é 34,08 € (2º membro 18,35 €)

Ademais, en situación de escasa capacidade económica, “as tarifas poderán reducirse no 50% e mesmo acceder gratuitamente a esta actividade nos termos sinalados no artigo 4) da Ordenanza fiscal núm. 2”.

Por último, a Concellería de Cultura lembra que haberá unha reunión previa cos pais/nais/titores dos/as participantes no Salón de Plenos da Casa do Concello o xoves 30 de xuño ás 20:00 horas.

Para máis información sobre o programa cómpre chamar ao Departamento de Cultura e Deportes (tfno. 981 340 366) ou enviar un correo electrónico a cultura.deportes@fene.gal.
Ver máis
04-06-2022 -
04-06-2022 -
Deporte

Exposición de fotografía submarina no pavillón da Xunqueira

“Unha ollada ás profundidades”, é o título da exposición de Fotosub que se amosa dende hoxe no pavillón da Xunqueira, en San Valentín. A mostra, na que se poden “ver e admirar especies atutóctonas das nosas rías”, recolle unha colección de fotografías realizadas en distintos puntos da xeografía galega por fotógrafos pertencentes á Federación Galega de actividades subacuáticas. Poderá visitarse até o vindeiro 30 de xuño no pavillón da Xunqueira en horario: de luns a venres, de 9.00 a 13.00 e de 17.00 a 20.00 horas, e os sábado e domingos nos horarios de competición e exhibicións.
 
Ver máis
03-06-2022 -
03-06-2022 -
Deporte

O mércores 8 de xuño abre o prazo de reserva de prazas para as escolas deportivas da piscina, pavillóns, kárate e judo

Xa se pode solicitar cita previa para tramitar, a partir do vindeiro mércores no pavillón de San Valentín, a reserva de prazas para as escolas deportivas municipais do Concello de Fene. O prazo, para o alumnado matriculado no mes de xuño, prolongarase do 8 de xuño ao 6 de xullo, atendendo ao seguinte calendario: do 8 ao 21 de xuño realizarase a reserva para usuarios/as empadroados ou escolarizados en Fene; e, do 22 de xuño ao 6 de xullo, farase para o alumnado de fóra de Fene. Para solicitar cita previa, cómpre chamar ao teléfono 981 492 804 ou ao 607 626 812, de luns a venres de 9.00 a 14.00 h., ou ao teléfono 981 340936, en horario de 16.00 a 21.00 horas.
Ver máis
03-06-2022 -
03-06-2022 -
Fene ao día

Clasificación sanitaria das zonas de baño en Fene

A xefatura territorial da Consellería de Sanidade vén de remitir ao Concello de Fene a clasificación sanitaria final das zonas de baño para a tempada 2022, cualificando de “Excelente” a calidade das augas en Almieiras, Coído, Maniños e Río Sandeu. Advirte, nembargantes que a zona de  Barallobre non é apta para o baño ao ser cualificada a súa auga como “Insuficiente”. A este respecto, o Goberno Municipal de Fene agarda que, coas actuacións realizadas no Carril recentemente (acometida de saneamento en varias vivendas e eliminación de vertidos), para a vindeira tempada de baño a auga desta zona estea en óptimas condicións.
Ver máis
03-06-2022 -
03-06-2022 -
Cultura

Asinados os convenios de colaboración correspondentes ás subvencións nominativas para os festivais Felicia Pop e Fenerock

O alcalde de Fene, Juventino Trigo, o concelleiro de Cultura, Justo Ardá, e representantes das asociacións Felicia A.C. e Os Centolos A.C. reuníronse este xoves na Casa do Concello para asinar os convenios de colaboración entre o Concello de Fene e ámbalas dúas entidades ao obxecto de organizar os festivais Felicia Pop e Fenerock 2022. Convenios que, no seu conxunto, suman 22.000€, a razón de 11.000€ para cada unha das sociedades. Con estas aportacións, o Goberno Municipal de Fene pretende apoiar a organización de dous certames que, pola súa traxectoria e especial interese, son xa un referente no calendario de festivais de música en Galicia.
Ver máis
02-06-2022 -
02-06-2022 -
Fene ao día

45 persoas participarán no dispositivo especial de seguridade das festas de Perlío

Perlío prepárase para encadear esta fin de semana tres intensos días de festa, os primeiros Santos pospandemia -ou nova normalidade- que vivirá a parroquia. Tres días que requirirán un plan de tráfico específico no epicentro da troula e nos seus arredores e que, ademais, levarán ao Concello a reforzar a seguridade na zona, principalmente na noite deste venres con motivo da actuación do Combo Dominicano. A orquestra canaria ten en Perlío a única data contratada para este verán en toda a comarca, razón pola que se agarda unha afluencia de público masiva. Para que todo transcorra sen incidencias, a Concellaría de Seguridade de Fene ten previsto un dispositivo con preto de medio cento de persoas implicadas, entre corpos de seguridade, protección civil e servizos médicos.
Ver máis
02-06-2022 -
02-06-2022 -
Fene ao día

O Concello de Fene foi beneficiario en 2022 de varias axudas da Deputación da Coruña para o mantemento de persoal técnico das Concellerías de Cultura e Deportes

Ao abeiro das convocatorias da Deputación da Coruña FO106, FO206 e FO216, o Concello de Fene recibiu en 2022 senllas subvencións do organismo provincial para o mantemento dos postos de técnica de deportes, animadora sociocultural municipal e responsable do Museo do Humor Xaquín Marín. A contía das axudas percibidas ascendeu a 45.000 € (a razón de 15.000€ para o posto de técnica de Deportes, 10.000€ para o de animadora sociocultural e 15.000€ para o de responsable do Museo do Humor Xaquín Marín)
Ver máis
01-06-2022 -
01-06-2022 -
Cultura

Fene participa na V edición de Primavera no Camiño Inglés

A Alameda de Góis de Sigüeiro (Oroso) acollerá este sábado a quinta edición de Primavera no Camiño Inglés, unha iniciativa promovida pola Asociación de Concellos do Camiño Inglés coa colaboración da Deputación da Coruña e o Concello de Oroso coa que se pretende poñer en valor os múltiples atractivos etnográficos, culturais, naturais e gastronómicos desta ruta xacobea. Participarán nesta xornada os 18 municipios polos que discorre o Camiño Inglés: A Coruña, Abegondo, Betanzos, Cabanas, Cambre, Carral, Culleredo, Fene, Ferrol, Mesía, Miño, Narón, Neda, Ordes, Oroso, Paderne, Pontedeume e Santiago de Compostela. E, segundo avanzan dende a organización, ao longo do día haberá actividades gastronómicas e culturais, baile, música, obradoiros gratuítos para nenos e nenas, e mercado de artesanía. O Concello de Fene estará representado nesta V Primavera no Camiño Inglés cun stand no que se achegará información turística aos visitantes. Ademais, ás 11.30 horas, está prevista unha actuación da Banda Xuvenil de Airiños de Fene.
Ver máis
1 2 ...66 67 6869 70 ...321 322 >>