Novas

13-04-2022 -
13-04-2022 -
Benestar e igualdade

Nova edición do espazo de encontro entre mulleres, INDIRA

A Concellería de Benestar Social e Igualdade, a través do Servizo Municipal de Atención á Muller, pon en marcha o vindeiro 21 de abril o Proxecto Indira V, espazo de encontro entre mulleres. Dita actividade vai dirixida a mulleres que queiran mellorar a súa autoestima, coñecerse, respectarse, crecer persoalmente, potenciar o seu autocoidado a nivel emocional e psicolóxico e, sobre todo, empoderarse.
 
Ver máis
12-04-2022 -
12-04-2022 -
Fene ao día

O Concello investirá preto de 180.000 euros na ampliación de servizos básicos en Sillobre e Barallobre

A Xunta de Goberno Local ratificou hai escasos días a proposta da Mesa de Contratación de adxudicar con carácter provisional dous dos proxectos acollidos ao POS+ da Deputación da Coruña, por un importe global de 178.815,62 euros. Trátase, por unha banda, da ampliación das redes de abastecemento e saneamento nos camiños dos Loureiros, o Catalán e a Vrea, en Barallobre; e, por outra, da condución de auga pública aos núcleos da Calzada, Arriba, o Revolto e a Lagarteira, todos eles pertencentes á parroquia de Sillobre. Nestes días a adxudicación elevarase a definitiva, co obxectivo de que as obras poidan iniciarse durante a primavera e estar rematadas ao longo do verán.
Ver máis
10-04-2022 -
10-04-2022 -
Fene ao día

Ata sempre, Pitusa

Fene despide hoxe á xornalista e escritora fenesa María Xesús Arias, "Pitusa", que faleceu o pasado venres como consecuencia dunha grave enfermidade. Traballadora da emisora munipal do Concello de Fene, Pitusa foi unha das voces dos informativos e de A Fenestra de Radio Fene durante máis de tres décadas. Ademais foi autora de varias publicacións sobre a historia local: “Maniños no Pasado”, “Barallobre no Pasado”, "Perlío no Pasado" e "Fene vai de Antroido"; e coautora do cómic “Galiza acorda. Andrés de Barallobre”.
Ver máis
08-04-2022 -
08-04-2022 -
Benestar e igualdade

O Concello de Fene reafirma o seu compromiso co Fondo Galego de Cooperación e Solidariedade no seu 25º aniversario

Os proxectos de cooperación internacional, a “localización” da Axenda 2030 e a loita contra o cambio climático centran o Plan de Actividades 2022 do Fondo Galego de Cooperación e Solidariedade, que conmemora este ano o seu 25º aniversario. Representantes das deputacións e concellos socios, entre eles o de Fene, aprobaron por unanimidade todos os puntos da orde do día na Asemblea Xeral celebrada este xoves na Cidade da Cultura, en Santiago de Compostela, coincidindo co Día Mundial da Saúde.
Ver máis
08-04-2022 -
08-04-2022 -
Fene ao día

Visita do alumnado do Taller de Emprego do Arquivo Naval de Ferrol ao Arquivo Municipal de Fene

Vinte alumnos traballadores pertencentes ao Taller de Emprego "Departamento del Norte" do Arquivo Naval de Ferrol, acompañados polos docentes e a directora do taller, visitaron esta mañá o Arquivo Municipal de Fene. O alumnado, que se está a formar como auxiliar de arquivo de maneira tanto teórica como práctica, puido coñecer de primeira man as instalacións e a dinámica de traballo deste departamento municipal do Concello de Fene. O grupo foi recibido no Salón de Plenos polo alcalde, Juventino Trigo, e a concelleira de Persoal e Seguridade, Sandra Permuy, xunto cos responsables do servizo, a arquiveira municipal Silvia Freire, e o auxiliar de arquivo Xan Morales.
Ver máis
07-04-2022 -
07-04-2022 -
Fene ao día

O Concello de Fene trasladará os restos do Bloque 8 da mazá B do cemiterio municipal aos novos nichos construídos o ano pasado

O Cemiterio Municipal de Fene presenta desde hai tempo deficiencias nun dos bloques de nichos situados na parte central do camposanto. Trátase do Bloque 8 da maza B, que comprende os ocos desde o número 673 até o 780, seriamente afectados por fendas e filtracións. O Concello xa lle comunicou ás familias a necesidade de trasladar os restos mortais a un dos bloques da ampliación rematada o ano pasado. 
Ver máis
06-04-2022 -
06-04-2022 -
Cultura

Cambio de horario na Casa da Cultura de Fene durante a Semana Santa

A concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor e sala de exposicións temporais) durante a Semana Santa. Neste período, o horario da instalación será o seguinte:
  • Sábado 9 e domingo 10 de abril: pechado
  • Luns 11, martes 12, mércores 13 de abril: de 10.00 a 14.15 horas
  • Do xoves 14 ao domingo17 de abril: pechado
  • Luns 18 de abril: de 10.00 a 14.15 horas
O horario habitual da Casa da Cultura de Fene retomarase o martes 19 de abril.
Ver máis
06-04-2022 -
06-04-2022 -
Benestar e igualdade

O programa Coidados porta a porta chegará a Fene no mes de maio

A Concellería de Servizos Sociais de Fene anuncia que o programa de Coidados porta a porta da Xunta de Galicia recalará en Fene (Paseo de San Valentín) os días 25, 26, 27 e 30 de maio para ofrecer consultas de audioloxía, podoloxía e estimulación da memoria á veciñanza. Destes servizos poderán beneficiarse gratuitamente todas as persoas maiores de 55 anos, con cita previa. A reserva de praza pode realizarse no teléfono 622 748 283 ou no correo electrónico coidadosportaaporta.politicasocial@xunta.gal.
Ver máis
05-04-2022 -
05-04-2022 -
Benestar e igualdade

Non pasa nada, pasa algo?

Mellorar a información sobre as adiccións, de maneira precisa e axeitada, debido a baixa percepción do risco que existe na cidadanía sobre o consumo de substancias e comportamentos aditivos. É o principal obxectivo do programa "Non pasa nada, pasa algo?" que botou a andar este martes no CPI A Xunqueira de San Valentín, organizado pola Concellería de Benestar Social e Igualdade do Concello de Fene, coa colaboración dos Concellos de Neda e Mugardos (cos que está a desenvolver un proxecto de prevención de condutas aditivas, financiado pola Consellería de Sanidade). Logo desta primeira xornada, entre os meses de abril e maio realizaranse diversas charlas, tanto no CPI A Xunqueira, coma no IES Fene e no CPR Jorge Juan. Cada centro elexiu os cursos destinatarios cos que se desenvolverán un total de tres sesións por grupo, ata chegar ás 12 horas por centro.
Ver máis
04-04-2022 -
04-04-2022 -
Fene ao día

O Concello de Fene elimina desde este martes a cita previa

Van aló dous anos, tralo confinamento decretado polo Estado, desde que Fene implantase a cita previa obrigatoria para a atención presencial nas oficinas municipais. Agora, nun progresivo contexto de volta á normalidade, o consistorio decidiu tamén regresar á normalidade eliminando desde este martes 5 de abril a obriga de chamar antes para facer calquera xestión. Con todo,  séguese recomendando utilizar a Sede Electrónica para os trámites máis comúns e recordando que, de momento, é necesario seguir aplicando medidas preventivas dos contaxios como é a da hixiene de mans e respiratoria e o uso da máscara en espazos interiores.
Ver máis
1 2 ...71 72 7374 75 ...321 322 >>