Novas

10-12-2019
10-12-2019

O Concello de Fene presenta a súa programación cultural de Nadal, repleta de citas musicais, contacontos e obradoiros

A concelleira de Cultura, Rocío Bértoa, presentaba esta mañá a ampla programación cultural de Nadal deseñada polo Concello de Fene. Unha programación que incluirá citas musicais, teatro, contacontos, exposicións, obradoiros e, como non, a visita do Apalpador e a tradicional Cabalgata de Reis. Precisamente, Rocío Bértoa avanzou que o Apalpador inaugurará o calendario cultural de Nadal o vindeiro luns, 16 de decembro, coa súa visita aos nenos e nenas de Educación Infantil e primeiro curso de Educación Primaria dos centros educativos de Fene. Nesa xornada acudirá ao CPI A Xunqueira, CEIP Plurilingüe Centieiras e CPR Jorge Juan. Así mesmo, ao día seguinte, martes 17 de decembro, visitará o CEIP Sillobre, CEIP Plurilingüe Os Casais e CEIP Plurilingüe O Ramo.
Ver máis
04-11-2019
04-11-2019

O artesán Fernando Couce dona ao Concello a maqueta do barco “Soberano dos mares”

O alcalde de Fene, Gumersindo Galego, recepcionou a semana pasada, trala sinatura do convenio de doazón, a maqueta de madeira do barco “Soberano dos mares”, realizada polo artesán local Fernando Couce.

O navío amósase xa dende hai uns anos no cubo acristalado sito fronte á porta de acceso á Casa da Cultura, froito dunha doazón temporal previa por parte do artista. Pero, coa sinatura do convenio o pasado xoves, a doazón da obra pasa a ser permanente.
Ver máis
29-10-2019
29-10-2019

A exposición do 27º certame Galicia en Foco. O Fotoxornalismo Galego poderá visitarse en Fene ata o 29 de novembro

O público poderá visitar no salón de plenos da Casa da Concello de Fene a exposición do 27º certame de fotografía "Galicia en Foco. O Fotoxornalismo Galego", que convoca o Club de Prensa de Ferrol. Onte á tarde o alcalde, Gumersindo Galego, presidía o acto de inauguración, xunto á presidenta do Club de Prensa, Julia Díaz; a concelleira de Cultura, Rocío Bértoa, e o directivo Xoán Rubia. Así as cousas, a mostra permanecerá en Fene ata o 29 de novembro, en horario de luns a venres, de 10 a 14,30 horas.
Ver máis
29-10-2019
29-10-2019

O Concello de Fene volve apostar polos obradoiros de risoterapia da man do proxecto Licenza para rir

A Concellería de Cultura que dirixe Rocío Bértoa vén de reeditar os obradoiros de risoterapia “Licenza para rir”. Un proxecto que regresa para continuar descubrindo e valorando as potencialidades terapéuticas e curativas da risa.

Dende outubro e ata finais de maio, celébranse sesións semanais, todos os martes, de 18,30 a 20 horas no Museo do Humor-Casa da Cultura e aínda queda algunha praza libre. Así, as persoas maiores de 16 anos interesadas en tomar parte poden formalizar a súa matrícula nas dependencias administrativas do pavillón municipal de A Xunqueira, en San Valentín.
Ver máis
25-10-2019
25-10-2019

Fene acollerá a exposición do 27º certame Galicia en Foco. O Fotoxornalismo Galego

O salón de plenos da Casa da Concello de Fene acollerá, a partir do próximo luns 28 de outubro, a exposición do 27º certame de fotografía "Galicia en Foco. O Fotoxornalismo Galego", que convoca o Club de Prensa de Ferrol. O acto de inauguración, que presidirá o alcalde, Gumersindo Galego, está previsto para as 19 horas, e a el está convidada toda a veciñanza. No mesmo, tomarán parte a concelleira de Cultura, Rocío Bértoa; a presidenta do Club de Prensa, Julia Díaz, e o directivo Xoán Rubia. A partir de aí, a mostra poderá visitarse ata o 29 de novembro en horario de luns a venres, de 10 a 14,30 horas.
 
Ver máis
23-10-2019
23-10-2019

Fene celebra este xoves o Día Internacional da Biblioteca promovendo a lectura coa función “Maxia e libriños con Leo Leíño”

A Biblioteca Pública Municipal Xosémaría Pérez Parallé acolle mañá, 24 de outubro, o espectáculo “Maxia e Libros de Leo Leíño”, dirixido a nenos e nenas de entre 3 e 13 anos. A actuación terá lugar ás 18,00 horas e fai un percorrido, a través da maxia e dos contos, por historias incribles que farán descubrir aos participantes o universo sen límites que se agocha dentro dos libros.
Ver máis
15-10-2019
15-10-2019

A Biblioteca municipal acolle este mércores o espectáculo “Príncipas e Princesos”

A Biblioteca Pública Municipal Xosémaría Pérez Parallé acolle mañá, 16 de outubro, o espectáculo “Príncipas e Princesos”, de Os Contos de Pablísimo. Trátase dunha actuación dirixida a nenos e nenas de 4 a 10 anos e que terá lugar ás 18,30 horas. O espectáculo fai unha sutil e divertida reflexión sobre a igualdade, procurando príncipes rosas e princesas azuis; contando contos de valentes princesas enfrontándose a dragóns e de príncipes que lavan a roupa e pasan o ferro.
Ver máis
11-10-2019
11-10-2019

O Premio Nacional de Poesía Pérez Parallé acada a súa maior participación

Os organizadores do Premio Nacional de Poesía Xosémaría Pérez Parallé veñen de informar de que, rematado o prazo de inscrición, recibíronse un total de 65 obras orixinais, o que converte esta edición de 2019 na máis exitosa do certame. O fallo do xurado está previsto para os primeiros días do mes de novembro.
 
Ver máis
08-10-2019
08-10-2019

A Biblioteca municipal acolle mañá o espectáculo infantil de Andamiaxe titulado “Un banquete con moito conto”

A Biblioteca Pública Municipal Xosémaría Pérez Parallé acolle mañá, 9 de outubro, o espectáculo “Un banquete con moito conto”, de Andamiaxe. Trátase dunha actuación dirixida a nenos e nenas de 5 a 8 anos e que terá lugar ás 18,30 horas. A obra estrutúrase como un banquete de contos no que os comensais serán partícipes da súa elaboración e degustación. Para iso, deberán seguir os pasos esenciais: poñer a mesa, botarlle unha ollada á carta, degustar os “pratos” e, finalmente, pagar a conta. Unha acción moi cotiá pero transformada de maneira creativa en inusual. As ferramentas: mantel de papel, rotuladores, goma eva, lapis… e moita imaxinación!
 
Ver máis
02-10-2019
02-10-2019

As escolas culturais municipais abren hoxe o prazo de inscrición

As Escolas Culturais Municipal abren hoxe a inscrición para o curso 2019/2020, un prazo que se estenderá ata o día 8 do mesmo mes. Os veciños de Fene teñen prioridade á hora de seleccionar as prazas vacantes nas escolas culturais municipais e, por iso, o prazo de inscrición está reservado entre os días 2 e 4 de outubro a residentes na localidade. Os días 7 e 8 de outubro pode formalizar a súa matrícula a poboación en xeral, independentemente do lugar de empadroamento.
Ver máis
1 2 ...29 30 3132 33 ...52 53 >>