Novas

14-06-2018

O Concello de Fene organiza o Campus Feminino de Fútbol Sala María Vieira “Mavi” para nenas e rapazas maiores de 6 anos

O pavillón polideportivo da Xunqueira acollerá o V Campus Feminino de Fútbol Sala María Vieira “Mavi” para nenas e rapazas maiores de 6 anos. Celebrarase do 9 ó 13 de xullo, de luns a venres de 10 a 14 horas. Nesta liña, o concelleiro de Deportes, Xoán Manuel Bastida, avanzou que as participantes recibirán a visita de xogadoras da selección galega e da selección española de fútbol sala feminino, que compartirán horas e experiencias coas rapazas do campus.
11-06-2018

O Concello promove no pavillón do Ramo un Campus de Ximnasia Artística e Trampolín para nenos e nenas a partir de 4 anos

O concelleiro de Deportes, Xoán Manuel Bastida, avanzou esta mañá a celebración do Campus de Ximnasia Artística e Trampolín. Dirixido a nenos e nenas a partir de 4 anos, desenvolverase no pavillón do Ramo, en Barallobre, do 25 ó 29 deste mes de xuño e en horario de mañá, de 10 a 14 horas.
 
 
 
 
 
 
 
 
 
 
 
 
31-05-2018

Últimas prazas libres nos bautismos de mergullo para nenos, adultos e persoas con diversidade funcional organizados polo Concello de Fene

A Concellería de Deportes de Fene informou esta mañá de que aínda queda algunha praza libre no programa de bautismos de mergullo que celebrará ó longo do mes de xuño. Así, no grupo de adultos hai seis prazas libres; unha no de menores e outra no de bautismos de mergullo adaptado. As persoas interesadas en tomar parte no programa poden inscribirse no pavillón polideportivo da Xunqueira, en San Valentín (de luns a venres de 9 a 13,30 h e os mércores de 16,30 a 19 h). O programa, que impulsa o Concello, conta coa colaboración do Clube de Actividades Subacuáticas Nautilus.
30-05-2018

Aberta a preinscrición en Fene para participar nos Campamentos Deportivos de Verán da Deputación

O Concello informou esta mañá de que Fene contará con cinco prazas no programa Campamentos Deportivos 2018 da Deputación provincial da Coruña. Un programa dirixido a rapaces e rapazas de entre 9 e 14 anos, cumpridos neste ano, que se desenvolverá nas instalacións do Colexio Calvo Sotelo da Coruña.
29-05-2018

Éxito de participación na XXV edición da Milla Escolar do Concello de Fene

O Concello de Fene acolleu o pasado domingo a XXV edición da Milla Escolar, na que se inscribiron 375 nenos e nenas dos centros educativos do municipio. Nesta liña, o concelleiro de Deportes, Xoán Manuel Bastida, destacou o éxito de participación nunha cita que, neste 2018, alcanzaba o cuarto de século de vida.
25-05-2018

Máis de 350 nenos e nenas tomarán parte este domingo na XXV Milla Escolar de Fene

Máis de 350 nenos e nenas dos centros educativos de Fene tomarán parte este domingo, 27 de maio, na XXV Millar Escolar-Concello de Fene. O concelleiro de Deportes, Xoán Manuel Bastida, explica que a cifra aínda podería medrar máis, xa que tamén se recollerán inscricións individuais a pé de pista o mesmo domingo, de 9,30 a 10,30 horas.
18-05-2018

O Concello inicia as obras de recuperación das pistas de atletismo de Barallobre, en desuso dende a década dos 80

O edil de Deportes, Xoán Manuel Bastida, sinala que as instalacións permitirán a
práctica das diferentes disciplinas do atletismo, buscando tamén fomentar este deporte especialmente entre os escolares
04-05-2018

O Concello de Fene abre a inscrición para os bautismos de mergullo para nenos, adultos e persoas con diversidade funcional

A Concellería de Deportes de Fene informou esta mañá de que o prazo de inscrición nos bautismos de mergullo para nenos/as, persoas adultas e persoas con diversidade funcional abrirase o vindeiro luns, 7 de maio, no pavillón polideportivo da Xunqueira, en San Valentín (de luns a venres de 9 a 13,30 h e os
mércores de 16,30 a 19 h). O programa, que impulsa o Concello, conta coa colaboración do Clube de Actividades Subacuáticas Nautilus.
24-04-2018

Arredor de 600 nenos tomarán parte nas Xornadas de Xogos Populares Escolares

O Concello de Fene, a través da Concellería de Deportes, organiza un ano máis as Xornadas de Xogos Populares Escolares. Celebraranse este mércores 25 de abril e o xoves 26 e nelas tomarán parte arredor de 600 escolares do municipio.
19-04-2018

II Torneo de ximnasia artística feminina Concello de Fene

Ao redor de 100 nenas do Club Escola Ximnasia Artística Ferrolterra tomarán parte este domingo no 2º Torneo de Ximnasia Artística Feminina “Concello de Fene”, evento organizado polo Club Escola Ximnasia Artística Ferrolterra e pola Concellería de Deportes de Fene.  A competición terá lugar no pavillón “A Xunqueira” de San Valentín o domingo de 10.00 a 14.00 h.