Novas

28-11-2019 -
28-11-2019 -
Fene ao día

Fene Mar Vivo II fundamentará a promoción turística do municipio na difusión da actividade pesqueira e posta en valor da cultura mariñeira

O alcalde, Gumersindo Galego; o concelleiro de Promoción Económica, Juan José Franco; o presidente da Asociación de Comercio, Hostalería e Servizos O Cruceiro, Juan Manuel Ramos Reigosa, o presidente da Confraría Santiago Apóstol de Barallobre, Jorge López Pena, e o presidente do GALP Golfo Ártabro Norte, José Manuel Fernández Lage, presentaron no día de onte o proxecto “Fene Mar Vivo II”. Foi no transcurso dun acto celebrado no salón de plenos da casa consistorial no que tomaron parte veciños e veciñas e máis representantes do tecido asociativo do municipio, que tamén realizaron as súas aportacións, xa que se trata dun documento vivo, en constante recepción de iniciativas e ideas.
Ver máis
28-11-2019 -
28-11-2019 -
Museo do Humor Xaquín Marín

Os traveliners con discapacidade participantes na iniciativa TravelIN visitan o Museo do Humor de Fene

Unha comitiva de persoas con discapacidade, chegada de distintos puntos do país, visitou onte pola mañá o concello de Fene no marco da iniciativa TravelIN. Unha Viaxe para tod@s, para vivir unha experiencia de turismo activo e accesible. Esta iniciativa forma parte do proxecto de ASCM e a Mancomunidade de Concellos de Ferrolterra. A visita, que arrincou o pasado domingo, finalizaba na tarde de onte cun achegamento ao Ferrol Modernista e ao museo da cidade departamental, Exponav.
Ver máis
27-11-2019 -
27-11-2019 -
Benestar e igualdade

A Casa da Cultura acolle este xoves o espectáculo “Maxia pola Igualdade”

O Concello de Fene, a través da Concellería de Igualdade que dirixe Juana Barro, convida ás familias a asistir este xoves 28 de novembro ao espectáculo “Maxia pola Igualdade” coa maga Leo Leíño. Terá lugar no salón de actos da Casa da Cultura de Fene, a partir das 18 horas, con entrada libre e de balde ata completar aforo.
Ver máis
26-11-2019 -
26-11-2019 -
Museo do Humor Xaquín Marín

Pepo Suevos pon este venres o broche de ouro ao ciclo de monólogos “Novembro, Mes do Humor” que organiza o Concello

O ciclo de monólogos “Novembro, Mes do Humor” que organizou ao longo das últimas semanas a Concellería de Cultura que dirixe Rocío Bértoa co apoio da Deputación a través da Rede Cultural chegará este venres ao seu fin por este ano. O broche de ouro poñerao Pepo Suevos, que traerá ao Museo do Humor de Fene o seu espectáculo “Sobre rodas”. Arrancará ás 20 horas, con entrada de balde, previa retirada de convite.
Ver máis
26-11-2019 -
26-11-2019 -
Fene ao día

O Concello presenta este mércores o proxecto de dinamización turística Fene Mar Vivo II

O concelleiro de Promoción Económica, Juan José Franco, informou esta mañá de que o Concello de Fene presentará este mércores, 27 de novembro, o proxecto “Fene Mar Vivo II”.

Será a partir das 20 horas no salón de plenos da casa consistorial, nun acto aberto á veciñanza e tecido asociativo que presidirá o alcalde, Gumersindo Galego. Precisamente, o edil sinala que se trata dun proxecto vivo, tamén na súa filosofía, polo que convida ás entidades e asociacións a achegar as súas propostas na xuntanza de mañá.
Ver máis
26-11-2019 -
26-11-2019 -
Benestar e igualdade

O Concello de Fene inaugura no CEIP Os Casais e na unitaria de Sillobre as sesións de contacontos-obradoiro sobre igualdade

No marco das actividades de prevención da violencia machista e promoción da igualdade en torno ao 25 de novembro, a Concellería de Igualdade que dirixe Juana Barro programa un total de 10 sesións de contacontos-obradoiro para o alumnado de Infantil e 1º e 2º curso de Educación Primaria (nenas e nenos de 3 a 9 anos). No día de onte celebrábanse as primeiras sesións no CEIP Plurilingüe Os Casais e na unitaria de Sillobre, e a programación continuará durante o mes de decembro: no CEIP Plurilingüe Centieiras o luns 2 de decembro, no CPI A Xunqueira o martes 3 de decembro; no CEIP Plurilingüe O Ramo o luns 9, e no colexio Jorge Juan o martes 10 de decembro.
Ver máis
25-11-2019 -
25-11-2019 -
Benestar e igualdade

25 novembro, Día Internacional pola Eliminación da Violencia Machista

No que levamos de 2019, foron asasinadas 66 mulleres e 3 menores, e aínda hai máis asasinatos de mulleres en investigación. Os asasinatos conforman a máxima representación das formas de terrorismo machista que continúan sometendo ás mulleres en todos os ámbitos da súa vida, e que representan unha grave e sistemática vulneración dos dereitos humanos de máis da metade da poboación á nosa sociedade. Estas violencias teñen a súa orixe e núcleo na pervivencia dun sistema heteropatriarcal, presente en todas as estruturas da sociedade, que tolera a desigualdade e resto credibilidade e autoridade ás mulleres, mentres cosifica o seu corpo e consolida pautas culturais que transmiten e reproducen comportamentos discriminatorios e sexistas.
Ver máis
25-11-2019 -
25-11-2019 -
Benestar e igualdade

Arrancan os obradoiros sobre o manexo do computador e móbil en Fene

Un total de 12 veciñas e veciños iniciaban a semana pasada na aula de informática municipal os obradoiros sobre o manexo do computador e sobre o uso do teléfono móbil. Gratuítos, prolongaranse ata o vindeiro mércores 27 de novembro.

As accións formativas están organizadas polo Instituto de Investigacións Científicas e Ecolóxicas (INICE), en colaboración co Concello de Fene, e teñen unha duración de 12 horas. Este programa está subvencionado polo Ministerio de Sanidade, Consumo e Benestar Social.
Ver máis
25-11-2019 -
25-11-2019 -
Fene ao día

O Concello de Fene abre o prazo de inscrición na xornada formativa para asociacións sobre a tramitación de subvencións online

A Aula de Informática do Concello de Fene acollerá este venres unha xornada formativa dirixida ás entidades do municipio sobre a tramitación de subvencións a través da plataforma Subtel. Será de cinco a sete da tarde, con participación gratuíta e previa inscrición no correo catic@fene.gal.

O Concello de Fene e a Deputación da Coruña, conscientes das dificultades no eido asociativo para dar cumprimento aos requisitos de tramitación de subvencións a través das plataformas electrónicas habilitadas, organizan esta xornada formativa como unha medida de impulso e achegamento ás novas tecnoloxías.
Ver máis
22-11-2019 -
22-11-2019 -
Benestar e igualdade

O Concello leva aos centros educativos actividades de promoción da igualdade e prevención da violencia de xénero

A Concellería de Igualdade que dirixe Juana Barro inaugurará este luns 25 de Novembro, "Día Internacional pola Eliminación da Violencia cara á Muller", unhas sesións de contacontos-obradoiro para o alumnado de Educación Infantil e 1º e 2º de Educación Primaria (nenas e nenas de 3 a 9 anos).

"As Cores" é o nome do conto co que se pretende traballar de xeito dinámico temas tan importantes como a igualdade, a inclusión, o traballo en equipo, as emocións... transmitindo valores sempre a través do lúdico. Queda moito que traballar en tema de igualdade e de sensibilización, por exemplo, coa aprendizaxe da lingua de signos ou o respecto polos tempos e as necesidades de cada persoa e este contacontos foi creado precisamente para sensibilizar diso dende as primeiras idades.
Ver máis
1 2 ...134 135 136137 138 ...322 323 >>