Novas

25-02-2021 -
25-02-2021 -
Deporte

As instalacións deportivas municipais abren ao público

O Departamento de Deportes do Concello de Fene informa de que á vista da flexibiliación das restriccións decretadas pola Xunta o pasado día 26 de xaneiro,  e á espera da publicación da correspondente Orde no DOG,  as instalacións deportivas municipais voltarán a abrir ao público e  reanudaran a súa actividade gradualmente deste modo:
PISCINA MUNICIPAL DE CENTIEIRAS
  • Apertura ao público,  sábado día 27 de febreiro no horario de apertura establecido antes das últimas restriccións do 26 de xaneiro
  • Reinicio de escolas deportivas que se desenvolven na instalación o sábado 27 de febreirio. Poderán asistir   os usuarios inscritos nos cursillos en semanas alterna que lles corresponda a partir dese día.
PAIVLLÓN MUNICPAL A XUNQUEIRA E PAVILLÓN MUNIPAL O RAMO
  • Apertura ao públco, luns día 1 de marzo no horario de apertura establecido antes das últimas restriccións do 26 de xaneiro
  • Reinicio das escolas deportivas que se desenvolven na instalación o luns 1 de marzo. Poderán asistir os usuarios nos días e horas que tiñan as súas actividades programadas.
  • Alugueiros de pistas e espazos para clubes e particulares, o luns 1 de marzo segundo estableza a nova Orde que publique a Xunta de Galicia.
ACTIVIDADES DEPORTIVAS QUE SE DESENVOLVEN FÓRA DO PAVILLÓN E PISCINA (Kárate e Judo), Ximnasio da casa da Cultura
  • Reinicio das actividades o luns 1 de marzo.
O concello de Fene que recórdalles:
- Que é obrigatorio o uso de máscara durante o acceso, estancia e o desenvolvemento da actividade deportiva dentro das instalacións, agas no transcurso das escolas de natación.
- A ratio de alumnos nas actividades serán os autorizados pola normativa sanitaria  que se publique na nova Orde da Xunta.
Ver máis
24-02-2021 -
24-02-2021 -
Fene ao día

Identificados os 12 participantes dunha festa ilegal celebrada en Fene na noite do venres

Un vídeo colgado na rede social Twitter foi o desencadeante dunha investigación policial a tres bandas que deu como resultado a identificación dos 12 mozos -tres deles menores de idade- que participaron na noite do pasado venres nunha festa ilegal organizada nunha vivenda da zona de Santa Ana, en Fene. As pesquisas concluíron esta mesma mañá tras completar a localización e filiación de todos os participantes que, segundo informou a Policía Local de Fene, serán denunciados por vulnerar a prohibición de xuntarse persoas non conviventes, por sobrepasar o horario de inicio do toque de queda e, na maioría dos casos, por saltar o peche perimetral dos seus respectivos concellos de residencia.
Ver máis
24-02-2021 -
24-02-2021 -
Cultura

Fene súmase á conmemoración do Día de Rosalía

Cada ano, o 24 de novembro celébrase o Día de Rosalía, coincidindo coa data do nacemento da escritora galega máis universal. Aínda que neste 2021 o Concello de Fene non pode festexar a efeméride como tiña previsto, xa que a pandemia provocada pola Covid-19 obrigou a adiar as actividades programadas, a Concellería de Cultura acordou sumarse á proposta de conmemoración da Asociación de Escritoras e Escritores en Lingua Galega (AELG).
Así, nesta xornada, fixada no Calendario do Libro e da Lectura como aniversario do nacemento de Rosalía de Castro, a entidade propón á cidadanía que agasalle cun libro en galego e cunha flor ás amizades e persoas queridas. Ademais, difunde un manifesto, redactado nesta ocasión pola escritora Anna R. Figueiredo. Por outro lado, a AELG anuncia que o acto central do Dí­a de Rosalía de Castro terá lugar o vindeiro sábado 27 de febreiro, ás 12:00 horas, no Panteón de Galegos Ilustres (San Domingos de Bonaval), en Santiago de Compostela.
Ver máis
19-02-2021 -
19-02-2021 -
Benestar e igualdade

Tardes activas dende a casa

Xa se pode descargar un novo paquete de exercicios cognitivos deseñados polo Departamento de Servizos Sociais para persoas maiores de 55 anos. O documento, elaborado no marco do programa "Tardes activas dende a casa", estrutúrase nun reto á memoria para lembrar lugares do territorio por medio de fotografías, un conxunto de adiviñas e varios pasatempos imprimibles que teñen por finalidade manter o cerebro en forma.

"Tardes activas dende a casa" é unha iniciativa de dinamización pensada para todas as persoas maiores de 55 anos e non só para quen xa estivese participando nalgunha actividade do programa municipal de envellecemento activo.
Ver máis
19-02-2021 -
19-02-2021 -
Fene ao día

A Unidade Móbil do Centro de Transfusións de Sangue de Galicia achégase a Fene o 22 de febreiro

O luns 22 de febreiro a Unidade Móvil do Centro de Transfusións de Sangue de Galicia estará en Fene, de 9.30 a 14.30 h e de 15.30 a 21.00 horas, diante do Centro de Saúde de Fene.

As persoas que desexen doar sangue poden solicitar unha cita previa no teléfono gratuíto 900 100 828, sistema implantado para reforzar os protocolos de seguridade nas unidades móbiles e garantir unha afluencia axeitada e ordeada para cubrir as necesidades de sangue dos hospitais galegos.
Ver máis
18-02-2021 -
18-02-2021 -
Cultura

Testamento do Entroido

Onte, mércores de cinza, o actor, director e contacontos Quico Cadaval deu lectura ao Testamento do entroido, a mellor crónica satírica do acontecido en Fene, en Galicia e no mundo nos últimos meses.
Ver máis
16-02-2021 -
16-02-2021 -
Fene ao día

Fene dá un exemplo de responsabilidade participando de maneira masiva no cribado da semana pasada, onde só se detectaron 3 positivos

O SERGAS deu a coñecer onte o resultado do cribado que se desenvolveu en Fene durante a semana pasada mediante a técnica da PCR en saliva. O balance deixa dous datos relevantes: dunha banda a alta participación, que alcanzou as 6.217 persoas -o 81,5% das convocadas- e, da outra, o baixo número de casos asintomáticos detectados. E é que segundo informan as autoridades sanitarias, nos test realizados só apareceron 3 positivos. Desde o Concello destácase a implicación e o exemplo de responsabilidade ofrecido pola veciñanza de Fene, ao tempo que se recorda a necesidade de continuar aplicando as medidas de autoprotección e cumprindo con todas as restricións, que a partir deste mércores se verán aliviadas lixeiramente.
Ver máis
16-02-2021 -
16-02-2021 -
Fene ao día

Concellos e representantes sindicais renúnense este mércores en Madrid cos principais grupos parlamentarios para demandaren solucións de futuro para a comarca

Os alcaldes da ría e representantes sindicais do naval participarán na tarde deste mércores nunha rolda de xuntanzas con deputados e senadores do PSOE, PP, Unidas Podemos e o BNG de cara a demandar carga de traballo para os estaleiros da ría. Nos encontros porase enriba da mesa a situación crítica do centro de Navantia Ferrol, que quedará en cuestión de semanas sen encargos, e tamén a da factoría de Fene, afectada pola deslocalización cara a Cádiz dos contratos públicos para a eólica mariña. O eixo central das xuntanzas será o futuro dos estaleiros, nomeadamente a mellora das súas infraestruturas e a garantía de sigan sendo motor económico da comarca, aínda que na axenda de temas para tratar, o alcalde de Fene, Juventino Trigo, tamén inclúe a esixencia de alternativas ao peche de Endesa, Siemens-Gamesa ou Noa Madera Creativa, entre outras.
Ver máis
09-02-2021 -
09-02-2021 -
Fene ao día

O Concello e o SERGAS coinciden na necesidade de ampliar o Centro de Saúde

O Conselleiro de Sanidade, Julio García Comesaña, achegouse onte ao mediodía até San Valentín para seguir o desenvolvemento do cribado masivo que se está realizando estes días en Fene mediante PCR salival. Alén de constatar canda ao conselleiro a alta participación no proceso -onte entregáronse máis de 2.200 tubos- o alcalde, Juventino Trigo, aproveitou a visita para solicitar do SERGAS e da Xerencia da Área Sanitaria a ampliación do Centro de Saúde, co obxectivo de mellorar a calidade asistencial das instalacións. Segundo o rexedor, tanto o conselleiro como o xerente ferrolán, Ángel Facio, comprometéronse a iniciar de inmediato os contactos co consistorio para saber da situación urbanística do entorno do centro médico e, en base ao estudo das necesidades actuais e futuras, definir as características desa posible ampliación.
Ver máis
08-02-2021 -
08-02-2021 -
Cultura

Fene conmemorará virtualmente o seu ciclo do Entroido

Malia que a situación epidemiolóxica impide a celebración das actividades que tiñan lugar na Praza do Concello o Martes de Entroido e o Mércores de Cinza, o Concello de Fene resístese a deixar pasar de baleiro unha das festas con máis tradición no termo municipal. Por iso, a concellería de Cultura habilitará un espazo na páxina web do Concello e nas súas redes sociais dende o que conmemorar virtualmente o ciclo do Entroido. As actividades desenvolveranse do venres 12 ao venres 19 de febreiro. Neste período, a través da web municipal fene.gal e do facebook do Concello de Fene, difundirase fotografías e vídeos das actividades desenvolvidas ao longo desta semana nos centros de ensino feneses. Así, os mandados do entroido, a confección de máscaras, os disfraces ou a interpretación de coplas por parte das nenas e nenos feneses, terán un oco neste "escaparate" virtual do Entroido.
Ver máis
1 2 ...134 135 136 137 138139 140 >>