Novas

05-11-2019 -
05-11-2019 -
Fene ao día

A hostalería de Fene ofrece as súas mellores tapas creativas e tradicionais

O alcalde de Fene, Gumersindo Galego; o concelleiro de Promoción Económica, Juan José Franco, e o presidente da Asociación de Comercio, Hostalería e Servizos O Cruceiro, Juan Manuel Ramos, presentaron esta mañá na casa consistorial a XII edición do Concurso de Tapas de Fene, que se desenvolverá dende este venres, 8 de novembro, ata o 24 do mesmo mes. Nel, tomarán parte 11 establecementos hostaleiros, que ofrecerán as súas propostas culinarias, ao prezo único de 1,50 euros, nas dúas modalidades propostas: a tapa creativa e a tapa tradicional.
 
Ver máis
04-11-2019 -
04-11-2019 -
Museo do Humor Xaquín Marín

Manquiña ofrecerá os seus “Relatos Negros” este venres no Museo do Humor

Dará comezo ás 20 horas con entrada de balde previa retirada de convite –máximo dous por persoa- o mesmo venres dende as 18,30 h

 Manquiña, un dos actores galegos máis coñecidos, participará este venres en Fene no ciclo de monólogos “Novembro, Mes do Humor”, que organiza a Concellería de Cultura que dirixe Rocío Bértoa co apoio da Deputación a través da Rede Cultural. Traerá os seus “Relatos Negros” nunha función que arrancará ás 20 horas no Museo do Humor fenés baixo a dirección de Darío Autrán. A entrada é de balde ata completar aforo, previa retirada de convite –máximo de dous por persoa- o mesmo venres a partir das 18,30 horas.
Ver máis
04-11-2019 -
04-11-2019 -
Cultura

O artesán Fernando Couce dona ao Concello a maqueta do barco “Soberano dos mares”

O alcalde de Fene, Gumersindo Galego, recepcionou a semana pasada, trala sinatura do convenio de doazón, a maqueta de madeira do barco “Soberano dos mares”, realizada polo artesán local Fernando Couce.

O navío amósase xa dende hai uns anos no cubo acristalado sito fronte á porta de acceso á Casa da Cultura, froito dunha doazón temporal previa por parte do artista. Pero, coa sinatura do convenio o pasado xoves, a doazón da obra pasa a ser permanente.
Ver máis
31-10-2019 -
31-10-2019 -
Fene ao día

Ares, Cabanas, Fene, Mugardos e Neda impulsan un obradoiro de emprego para formar a alumn@s na atención á dependencia e no sector da carpintería

O delegado territorial da Xunta, Ovidio Rodeiro, participou esta mañá na apertura do obradoiro de emprego de Mugardos, compartido con Ares, Cabanas, Fene e Neda, que oferta 20 prazas para formar a 10 alumnos en Atención Sociosanitaria a Persoas no Domicilio e a outros 10 en Traballos de Carpintería e Moble. Este obradoiro de emprego conta cun orzamento de 336.000 euros. No acto tamén participaron, en representación de Fene, o alcalde, Gumersindo Galego, e o concelleiro de Promoción Económica e Formación, Juan José Franco.
Ver máis
31-10-2019 -
31-10-2019 -
Fene ao día

O alcalde asina convenios coas asociacións culturais, deportivas, veciñais e educativas por importe superior aos 47.000 euros

O alcalde de Fene, Gumersindo Galego, e os representantes de entidades e asociacións do eido educativo, veciñal, cultural e deportivo do Concello de Fene rubricaron esta semana os convenios de colaboración correspondentes ás subvencións nominativas. Convenios que, no seu conxunto, suman 47.045,76 euros. Unha partida coa que o Concello busca apoiar o magnífico e intenso labor que desenvolven ao longo do ano.
Ver máis
30-10-2019 -
30-10-2019 -
Museo do Humor Xaquín Marín

Avelino González trae este xoves ao Museo do Humor os seus Contos de Contrabando

O actor, contador, monologuista e tradutor Avelino González inaugurará este xoves 31 de outubro o ciclo “Novembro, Mes do Humor” que organiza a Concellería de Cultura fenesa co apoio da Deputación a través da Rede Cultural. A partir das 20 horas, Avelino González traerá ao Museo do Humor os seus Contos de Contrabando.
Ver máis
29-10-2019 -
29-10-2019 -
Cultura

A exposición do 27º certame Galicia en Foco. O Fotoxornalismo Galego poderá visitarse en Fene ata o 29 de novembro

O público poderá visitar no salón de plenos da Casa da Concello de Fene a exposición do 27º certame de fotografía "Galicia en Foco. O Fotoxornalismo Galego", que convoca o Club de Prensa de Ferrol. Onte á tarde o alcalde, Gumersindo Galego, presidía o acto de inauguración, xunto á presidenta do Club de Prensa, Julia Díaz; a concelleira de Cultura, Rocío Bértoa, e o directivo Xoán Rubia. Así as cousas, a mostra permanecerá en Fene ata o 29 de novembro, en horario de luns a venres, de 10 a 14,30 horas.
Ver máis
29-10-2019 -
29-10-2019 -
Fene ao día

O alcalde de Fene amosa o seu apoio ao comité de empresa de Reganosa

O alcalde de Fene, Gumersindo Galego, xunto á voceira do grupo municipal socialista, Mar Piñeiro, e de IU-EU, Maricarmen Martínez, mantiveron esta mañá na casa consistorial unha reunión con representantes do comité de empresa de Reganosa encabezada polo seu presidente, Emilio López. A instancias destes, na xuntanza, os traballadores querían, como fixeran previamente en Mugardos, Narón e Ferrol, dar a coñecer o funcionamento, procesos e operativa da planta, reivindicando eses 130 postos de emprego directos que xenera, 20/30 de emprego externo e máis de douscentos indirectos.
Ver máis
29-10-2019 -
29-10-2019 -
Cultura

O Concello de Fene volve apostar polos obradoiros de risoterapia da man do proxecto Licenza para rir

A Concellería de Cultura que dirixe Rocío Bértoa vén de reeditar os obradoiros de risoterapia “Licenza para rir”. Un proxecto que regresa para continuar descubrindo e valorando as potencialidades terapéuticas e curativas da risa.

Dende outubro e ata finais de maio, celébranse sesións semanais, todos os martes, de 18,30 a 20 horas no Museo do Humor-Casa da Cultura e aínda queda algunha praza libre. Así, as persoas maiores de 16 anos interesadas en tomar parte poden formalizar a súa matrícula nas dependencias administrativas do pavillón municipal de A Xunqueira, en San Valentín.
Ver máis
28-10-2019 -
28-10-2019 -
Fene ao día

Ampliación de horarios e servizo especial de transporte ao cemiterio municipal no Día de Todos os Santos e Día de Defuntos

O transporte especial realizarase o 31 de outubro e 1 e 2 de novembro

Con motivo do Día de Todos os Santos e o Día de Defuntos, o Concello de Fene informa da ampliación de horarios do cemiterio municipal, así como da posta en marcha dun servizo de transporte especial. En primeiro lugar, o camposanto permanecerá aberto o venres 1 de novembro de 8 a 22 horas e o sábado 2 de novembro de 9 a 20 horas, de forma ininterrompida. Así mesmo, o venres día 1, infórmase que se oficiará unha misa ás 17 horas na capela sita no interior do recinto.

Na mesma liña, o servizo de transporte especial realizarase conforme ás seguintes datas e horarios: o xoves, 31 de outubro, en horario de tarde, e o o venres 1 de novembro, e sábado día 2, de mañá e de tarde. No horario de mañá, a saída está prevista do cuartel da Garda Civil ás 10 horas e o regreso estímase ás 12 horas. No horario de tarde, a saída, do mesmo punto, será ás 16 horas e o regreso ás 18 horas.
Ver máis
1 2 ...137 138 139140 141 ...322 323 >>