Novas

21-11-2019 -

Museo do Humor Xaquín Marín

Juan Sobrino, Malena Carballo e Ladislau da Regueira asinan a mostra colectiva “Sinerxia 1+1=3” que se inaugura este venres en Fene

A Casa da Cultura de Fene estrea exposición este venres. Leva por título “Sinerxia 1+1=3” e está integrada por unha selección das obras de pintura, fotografía e escultura de Juan Sobrino, Malena Carballo e Ladislau da Regueira. Aberto á veciñanza, o acto de inauguración terá lugar este venres ás 18,30 horas, presidido polo alcalde, Gumersindo Galego, e coa asistencia dos creadores. A partir de entón, poderá visitarse na sala de exposicións temporais ata o 27 de decembro.

21-11-2019 -

Fene ao día

Cabanas e Fene conclúen as obras de implantación da tecnoloxía LED no alumeado público do polígono de Vilar do Colo

O concelleiro de Promoción Económica de Fene, Juan José Franco, informou esta mañá da conclusión dos traballos para a renovación das infraestruturas de alumeado público exterior no polígono industrial de Vilar do Colo. Unha intervención que requeriu dun investimento superior aos 63.000 euros e que, na práctica, supuxo a implantación da tecnoloxía LED en toda a rede pública de alumeado da zona industrial. Así, procedeuse á renovación de 221 lámpadas de vapor de sodio e á revisión e mellora de 9 cadros eléctricos e máis as acometidas.

20-11-2019 -

Fene ao día

En marcha as obras de mellora da rede de saneamento na rúa paralela a San Estevo

O alcalde, Gumersindo Galego, informou de que o Concello de Fene está a levar a cabo obras de mellora da rede de saneamento na rúa paralela a San Estevo, en Perlío, cun investimento de 47.809,47 euros. A intervención, engadiu, arrancaba este mes cun prazo estimado de execución de 60 días, e financiarase con cargo ao superávit municipal.

19-11-2019 -

Benestar e igualdade

Aberta a inscrición no obradoiro “A saúde: unha cuestión de xénero”

A Concellería de Igualdade, a través do Servizo Municipal de Atención á Muller e Promoción da Igualdade, vén de abrir o prazo de inscrición no obradoiro gratuíto “A saúde: unha cuestión de xénero”. Pode formalizarse nos teléfonos 981 34 26 07 e 981 49 27 06, no email smam@fene.gal ou presencialmente no Centro Municipal de Servizos Sociais (Av. Do Mar Bloque 1, baixo San Valentín). Consta de dúas sesións de cinco horas, e celebrarase os días 9 e 11 de decembro, de 16,30 a 19 horas no Centro Municipal de Servizos Sociais.

19-11-2019 -

Museo do Humor Xaquín Marín

Quico Cadaval trae este venres ao Museo do Humor de Fene o seu espectáculo “Vacas, guerras, porcos e cregos”

Quico Cadaval participará este venres en Fene no ciclo de monólogos “Novembro, Mes do Humor”, que organiza a Concellería de Cultura que dirixe Rocío Bértoa co apoio da Deputación a través da Rede Cultural. Traerá o seu espectáculo “Vacas, guerras, porcos e cregos” nunha función que arrancará ás 20 horas no Museo do Humor fenés. A entrada é de balde ata completar aforo, previa retirada de convite –máximo de dous por persoa- o mesmo venres a partir das 18,30 horas.

18-11-2019 -

Museo do Humor Xaquín Marín

Visita do alumnado do colexio Cristo Rey de Ferrol ao Museo do Humor de Fene

Alumnos e alumnas de cuarto curso de Educación Primaria do colexio Cristo Rey de Ferrol participaron a semana pasada nunha visita guiada ao Museo do Humor de Fene. Unha iniciativa que se enmarca no programa de visitas guiadas que ofrece o Concello de Fene para grupos escolares, asociacións ou colectivos.

18-11-2019 -

Fene ao día

AJE Ferrolterra trae a súa xornada de Networking a Vilar do Colo

O Centro de Negocios de Vilar do Colo en Fene (rúa Catavento, s/n) acollerá este martes 19 de novembro a xa tradicional xornada de Networking da Asociación de Jóvenes Empresarios (AJE) Ferrolterra co obxectivo de crear novas sinerxias e oportunidades de negocio para que os emprendedores teñan a posibilidade de levar a cabo novos acordos na súa búsqueda de éxito empresarial.

15-11-2019 -

Benestar e igualdade

Últimos días para anotarse nos obradoiros sobre o manexo do computador e móbil

O Concello de Fene lembra que a aula de informática municipal (Avda. de Naturais, 44, entresollado dereita) acollerá, do 20 ao 27 de novembro, dous obradoiros sobre o manexo do computador e sobre o uso do teléfono móbil. Dirixidos preferentemente a mulleres, son gratuítos e o prazo de inscrición permanece aberto no seguinte enderezo electrónico igualdadgalicia@inice.es ou no telefono 646385736.

As accións formativas están organizadas polo Instituto de Investigacións Científicas e Ecolóxicas (INICE), en colaboración co Concello de Fene, e teñen unha duración de 12 horas en quenda de mañá. Poderán participar todas as mulleres do concello sen límite de idade. Este programa está subvencionado polo Ministerio de Sanidade, Consumo e Benestar Social.

15-11-2019 -

Benestar e igualdade

O Concello activa a pé de rúa unha campaña de sensibilización contra a violencia machista

A concelleira de Igualdade, Juana Barro, anunciou esta mañá a posta en marcha dunha campaña de sensibilización contra a violencia machista co gallo da conmemoración do 25 de Novembro, “Día Internacional pola Eliminación da Violencia cara as Mulleres”. Así, dende hoxe e ata o 15 de decembro, as rúas de Fene amosarán mensaxes que inviten á cidadanía a reflexionar e recapacitar sobre esta crúa realidade como é a dos asasinatos de mulleres polo mero feito de ser mulleres, poñendo a vista na importancia dunha educación en igualdade, dende o respecto e dende a diversidade. Algo que compete a toda a sociedade, non só ás mulleres.

14-11-2019 -

Fene ao día

Novo fin de semana coas mellores tapas en Fene

O XII Concurso de Tapas de Fene regresa esta fin de semana ao municipio para ofrecer as mellores propostas culinarias. Celebrarase mañá venres, de 20 a 22 horas; o sábado de 13 a 15 horas e de 20 a 22 horas, e o domingo de 13 a 15 horas. Once establecementos hostaleiros toman parte no mesmo, con tapas ao prezo único de 1,5 euros. Son os seguintes: Don Quijote); Friends (Mar e terra Friends); Nuevo Tarnas (Ovo en cazola); O Son da Cociña (Tosta Strogonoff); Candajo 103 (Xamón ao caldeiro); Jesy Bar (Caralludo); Pachamama (Salpicón de rape con emulsión de cítricos); Tívoli (Tosta Galega), e Encontro Leos (Salpicón).

Museo do Humor Xaquín Marín

Juan Sobrino, Malena Carballo e Ladislau da Regueira asinan a mostra colectiva “Sinerxia 1+1=3” que se inaugura este venres en Fene

Fene ao día

Cabanas e Fene conclúen as obras de implantación da tecnoloxía LED no alumeado público do polígono de Vilar do Colo

Fene ao día

En marcha as obras de mellora da rede de saneamento na rúa paralela a San Estevo

Benestar e igualdade

Aberta a inscrición no obradoiro “A saúde: unha cuestión de xénero”

Museo do Humor Xaquín Marín

Quico Cadaval trae este venres ao Museo do Humor de Fene o seu espectáculo “Vacas, guerras, porcos e cregos”

Museo do Humor Xaquín Marín

Visita do alumnado do colexio Cristo Rey de Ferrol ao Museo do Humor de Fene

Fene ao día

AJE Ferrolterra trae a súa xornada de Networking a Vilar do Colo

Benestar e igualdade

Últimos días para anotarse nos obradoiros sobre o manexo do computador e móbil

Benestar e igualdade

O Concello activa a pé de rúa unha campaña de sensibilización contra a violencia machista

Fene ao día

Novo fin de semana coas mellores tapas en Fene

O Concello

E-Administración

Fene ao día

Entre nós

Contacto