Novas

27-12-2021 -
27-12-2021 -
Benestar e igualdade

O Concello de Fene publica un documento con consellos para o acompañamento dixital das familias e entidades

No marco do proxecto de prevención de condutas adictivas no eido local, os Concellos de Fene, Mugardos e Neda veñen de publicar un manual con recomendacións para familias e entidades sobre un uso seguro das TRIC (Tecnoloxías da relación, información e comunicación) e recursos de interese. O documento, que xa se pode descargar na web municipal,  pretende abordar a educación dos menores nun uso positivo e responsable das TRIC: evitando usos innecesarios ou evitando que empecen antes de tempo co uso dalgunhas aplicacións ou dispositivos; pautando horarios de conexións e usos; valorando o uso de dispositivos de control parental, etc.
Ver máis
23-12-2021 -
23-12-2021 -
Benestar e igualdade

O Concello de Fene vén de ser seleccionado polo Fondo Galego de Cooperación e Solidariedade para desenvolver un proxecto integral a nivel municipal

Dende o mes de setembro o Concello está traballando na elaboración dun Plan Municipal para a implementación dos ODS (Obxectivos de Desenvolvemento Sostible). O programa ten como obxectivo coñecer a situación do Concello respecto á súa contribución cos ODS e coa Axenda 2030, así como tamén artellar unha folla de ruta para mellorar o seu aliñamento con esta planificación a nivel global.
Ver máis
22-12-2021 -
22-12-2021 -
Fene ao día

Cambios no servizo de transporte público ao cemiterio durante o Nadal

Perante a vindeira celebración das festividades de Nadal e Aninovo, o Concello de Fene vén de solicitar un cambio no servizo de autobús ao cemiterio municipal. Así, os días 25 de decembro e 1 de xaneiro non haberá transporte público con destino ao camposanto. Dito servizo trasládase aos días  24 e 31 de decembro, respectivamente, co mesmo horario e percorrido.
Ver máis
20-12-2021 -
20-12-2021 -
Cultura

BellónMaceiras presenta este xoves na Casa da Cultura o seu primeiro conto musicado, A Música das buguinas

BellónMaceiras, o dúo formado por Daniel Bellón e Diego Maceiras, presenta este xoves, ás 12.00 horas, na Casa da Cultura o seu primeiro conto musicado dirixido ao público infantil e familiar. A partir dun texto de Pepablo Patinho, BellónMaceiras constrúe a banda sonora de "A Música das buguinas" cunha selección de temas populares e composicións propias.  A entrada á presentación do xoves será con reserva de praza no correo cultura.deportes@fene.gal, no teléfono 981 340 366 (en horario de mañá), ou por whatsapp, no 607625357, xa que o aforo é limitado.
Ver máis
17-12-2021 -
17-12-2021 -
Cultura

O vindeiro mércores cambia o horario da Biblioteca, Museo do Humor e Casa da Cultura de Fene

Coa chegada do nadal, a concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor e sala de exposicións temporais) que coincidirá, como é habitual, co comezo das vacacións escolares. Así, dende o mércores 22 de decembro e até o vindeiro 9 de xaneiro, inclusives, o horario da instalación será de luns a venres, de 10.00 a 14.15 horas.
Os días 24 e 31; así como os sábados, domingos e festivos; a Casa da Cultura de Fene permanecerá pechada.
Ver máis
16-12-2021 -
16-12-2021 -
Deporte

Prazas libres no Campanadal, patinaxe e no curso guateo e pateo

O Concello de Fene, a través da Concellería de Deportes, lembra que o mércores 22 de decembro remata o prazo de inscrición na  oferta de actividades deportivas programadas de cara o Nadal.

Aínda quedan prazas vacantes no Campanadal, nos cursos de patinaxe e máis no curso de guanteo e pateo. A inscrición debe formalizarse nas dependencias administrativas do departamento de deportes (avenida naturais 44)  ata o día 22. As persoas interesadas deberán de  solicitar cita previa no Departamento de Cultura e Deportes do Concello de Fene no teléfono 981 340 366. De luns a venres: De 8:00 a 14:00 horas.
Ver máis
15-12-2021 -
15-12-2021 -
Cultura

O dúo Vento Dolce protagoniza este ano o Concerto de Nadal do Concello de Fene

A igrexa de Limodre acolle este venres, a partir das 20.00 horas, o recital “Bo Lyric Nadal”. Trátase dunha proposta musical especialmente pensada para meternos de cheo no espírito do Nadal, empregando algunhas das páxinas máis recoñecibles da música relixiosa desde o Barroco até a época contemporánea. O concerto correrá a cargo do grupo Vento Dolce, formado polas intérpretes Gemma Román (voz) e Andreina Muñoz (piano) e nel, a través dun repertorio para voz solista, “poderemos viaxar no tempo e na xeografía, desde algunha das panxoliñas galegas máis fermosas pasando por pezas de inspiracións castelá, andaluza e mesmo algunhas pinceladas musicais de procedencia internacional (Francia, Inglaterra, Sudamérica, etc.)
Ver máis
13-12-2021 -
13-12-2021 -
Fene ao día

Unha sociedade cara o mar

Dentro das  actividades de animación e divulgación de este ano 2021, o GALP Golfo Ártabro Norte esta organizar unha actividade na que se pretende potenciar a involucración do tecido social, económico-empresarial, do sector do mar e da administración local no desenvolvemento da Estratexia de Desenvolvemento Local Participativa do GALP Golfo Ártabro Norte, a través da edición dun vídeo, que sirva principalmente para transmitir e poñer en valor o impacto positivo das axudas do programa FEMP neste ámbito territorial e poder mostrar o impacto destas axudas dende un punto de vista cualitativo, más que cuantitativo. 

Por tal motivo, o xoves 16 de decembro entre as 19 e as 20.30 horas no Museo do Humor de Fene, presentarase o vídeo cunha selección de proxectos aprobados neste GALP, a través dunha xornada onde falaremos das experiencias e futuro das axudas do Programa FEMP neste ámbito territorial, e ao remate unha pequena degustación de produtos do mar.
 
 
Ver máis
13-12-2021 -
13-12-2021 -
Deporte

O pavillón de San Valentín acolle até finais de mes a exposición Galiza, un pobo, unha selección

O alcalde de Fene, Juventino Trigo, foi o encargado de inaugurar o pasado venres a exposición Galiza, un pobo, unha selección, mostra impulsada por Vía Galega coa colaboración do Concello, que se poderá visitar en Fene até o vindeiro 30 de decembro. Ao acto, que tivo lugar no pavillón da Xunqueira, asistiron tamén a concelleira de Deportes de Fene, Ángeles Coira, e o voceiro da plataforma Vía Galega, Anxo Louzao. A mostra pode visitarse nesta instalación municipal de luns a venres, de 17:00 a 20:00 horas, e durante as fins de semana nos horarios das competicións.
Ver máis
10-12-2021 -
10-12-2021 -
Benestar e igualdade

Prevención de adicións ás TIC. Redes sociais e videoxogos: virtudes e perigos

A área de Benestar Social e Igualdade desenvolverá a vindeira semana unha sesión formativa, dirixida ás familias, no eido da prevención das conductas adictivas. Formación que complementa as sesións xa realizadas nos centros educativos de Fene.
Ver máis
1 2 ...77 78 7980 81 ...321 322 >>