24-02-2023 -
Museo do Humor Xaquín Marín
O vindeiro luns, 27 de febreiro, inaugúrase na Casa da Cultura de Fene a exposición sobre o circo que o alumnado e profesorado do CPR Jorge Juan Perlío elaborou neste curso, no marco do seu proxecto escolar anual. O acto será ás 16 horas e contará coa presenza do alcalde de Fene, Juventino Trigo, do Concelleiro de Cultura, Justo Ardá, do director do colexio, Ángel del Río Correa, e da representante da Anpa Sonia Fernández Veiga. A exposición permanecerá aberta ao público do luns 27 ao sábado 4 de marzo, en horario, de luns a venres, de 10 a 13 e de 16 a 20 horas, e o sábado, de 10 a 13 horas. Ademais, ao longo da semana, proxectarase na Casa da Cultura algunha producción cinematográfica con temática circense para animar á comunidade escolar do centro e á veciñanza en xeral a visitar a exposición.
