Novas

30-05-2023

A unidade móbil do programa “Coidados porta a porta” visitará Fene a mediados de xuño

As persoas maiores de 55 anos son as destinatarias do programa “Coidados porta a porta” da Consellería de Política Social da Xunta de Galicia que ten como obxectivo prestar gratuitamente distintos servizos como: prevención da xordeira (atención básica, informativa e de prevención); podoloxía (para a prevención, diagnóstico e tratamento das principais patoloxías dos pés como eliminación de durezas, control de unllas ou calosidades); e prevención do alzhéimer e outras demencias neurodexenerativas (probas de valoración cognitiva e estimulación da memoria). O prazo de solicitude de cita previa para beneficiarse destes servizos xa está aberto.

25-05-2023

A Casa da cultura, acollerá dúas xornadas adicadas á adolescencia e adiccións así como o papel das familias na prevención das adiccións

Xornadas enmarcadas no programa familiar “Máis que un teito”, subvencionado pola Consellería de Sanidade e promovidas polo concello de Fene e a agrupación de concellos de Mugardos e Neda; encamiñadas a sensibilizar, mellorar e complementar a información sobre a prevención familiar das condutas adictivas de maneira precisa e axeitada.

04-05-2023

Comezan os obradoiros escolares para a prevención e abordaxe de conflitos desde a educación emocional

"Desenvolver habilidades sociais e emocionais para previr conflitos e resolvelos de forma sana e respetuosa, tomando como base a educación emocional, a disciplina positiva e a comunicación non violenta”. É o principal obxectivo dos programas “Saúde na escola” e “Mais que un teito” que promoven os Concellos de Fene, Mugardos e Neda a través dos Servizos Sociais municipais, subvencionados pola Consellería de Sanidade. Esta semana comezaron as sesións de traballo co alumnado de primaria dos centros escolares de Fene e o vindeiro luns terá lugar un encontro dirixido a familias con fillos/as de calquera idade para afondar nesta temática. O prazo de inscrición para esta actividade finaliza hoxe venres. As persoas interesadas en participar poden anotarse a través do enderezo electrónico servizos.sociais@fene.gal ou nos teléfonos 981342607-981492706.

25-04-2023

Xornada sobre a resolución de conflictos

O 8 de maio, ás 18.30 h, a Casa da Cultura de Fene acollerá unha xornada dirixida ás familias, sobre a resolución de conflitos.

Actuación; impartida por Andrea Bechlian, psicóloga e educadora de disciplina positiva; encamiñada a sensibilizar, mellorar e complementar a información sobre a abordaxe dos conflitos dende a educación emocional e comunicación non violenta, de maneira precisa e axeitada para previr comportamentos conflitivos nas familias.

17-04-2023

Vacacións en paz 2023

O concello de Fene, dende a Área de Benestar Social e Igualdade, súmase un ano máis o proxecto VACACIÓNS EN PAZ da man da Asociación Galega Solidaridade co Pobo Saharaui.
Se estás interesada en ser familia acollledora podes contactar cós Servizos Sociais de Fene.
Se precisas información podes chamar ao teléfono da Asociación Solidaridade Galega co Pobo Saharauí no teléfono 986262637

03-04-2023

O uso problemático da tecnoloxía

O vindeiro 13 de abril, ás 18.30 h, a Casa da Cultura de Fene acollerá unha charla encamiñada a mellorar e complementar a información sobre o uso da tecnoloxía, de maneira precisa e axeitada para previr comportamentos aditivos nas familias.

28-03-2023

A Concellería de Benestar Social e Igualdade amplía o prazo prazo para inscribirse no curso de mantemento básico de vehículos para mulleres

Por mor da festividade da Semana Santa, as datas iniciais ampliáronse, de tal xeito que a acción formativa desenvolverase até o 15 de maio, en lugar do día 8, e as inscricións estarán abertas até o 5 de abril. Mantense a data de incio, o día 27 de marzo ás 16.30.

21-03-2023

Charla e exposición fotográfica sobre o dano cerebral adquirido en Fene

A Casa da Cultura de Fene acollerá o vindeiro xoves 30 de marzo, ás 17.30 horas unha charla sobre “O dano cerebral adquirido”, froito da colaboración dos Servizos Sociais municipais coa Federación Galega de Dano Cerebral (FEGADACE). No acto falarase das posibles causas desta doenza (ictus, accidente de tráfico, tumor cerebral, anoxia, etc), así como da prevención e rehabilitación. O mesmo día abrirá ao público no salón de actos da Casa da Cultura unha mostra fotográfica titulada “Punto e seguido. A vida despois do dano cerebral adquirido”, mostra que se poderá visitar até o 14 de abril en horario: de luns a venres, de 10 a 13 e de 16 a 21 horas (o horario durante a Semana Santa será de luns a venres, de 10 a 14.15 horas).

13-03-2023

Un total de 20 escolares participan no programa Refórzate

O programa dirixido ao alumnado de primaria e secundaria, desenvolverase até o mes de xuño no CPI A Xunqueira, de luns a xoves, en horario de tarde.

Refórzate, ta e como vimos informando, é un programa que combina a atención educativa; mediante sesións de apoio escolar en alumnado con dificultades de aprendizaxe xeneralizada e ou que precisen apoio nas áreas instrumentais; e o espazo socioeducativo de lecer saúdable; utilizando o uso responsable das novas tecnoloxías, prevención en ludopatias, así como obradoiros de alimentación saúdable entre outros.

08-03-2023

A Concellería de Benestar Social e Igualdade organiza un curso de mantemento básico de vehículos para mulleres

No marco das actividades organizadas ao redor da conmemoración do Día da Muller, a Concellería de Benestar Social e Igualdade de Fene organiza un curso teórico-práctico de mantemento básico de vehículos, dirixido a mulleres. Dita acción formativa desenvolverase na Casa da Cultura (parte teórica) e pista de Fonte do Campo (parte práctica) os luns e mércores, desde o 27 de marzo ao 8 de maio, en horario de 16.30 a 19.30 horas. Inscricións abertas até o 22 de marzo, chamando ao teléfono dos Servizos Sociais municipais en horario de mañá: 981 492 706. As prazas (12) cubriranse por orde de inscripción, podendo quedar en lista de agarda as persoas que se inscriban logo desas doce primeiras.

A unidade móbil do programa “Coidados porta a porta” visitará Fene a mediados de xuño

A Casa da cultura, acollerá dúas xornadas adicadas á adolescencia e adiccións así como o papel das familias na prevención das adiccións

Comezan os obradoiros escolares para a prevención e abordaxe de conflitos desde a educación emocional

Xornada sobre a resolución de conflictos

Vacacións en paz 2023

O uso problemático da tecnoloxía

A Concellería de Benestar Social e Igualdade amplía o prazo prazo para inscribirse no curso de mantemento básico de vehículos para mulleres

Charla e exposición fotográfica sobre o dano cerebral adquirido en Fene

Un total de 20 escolares participan no programa Refórzate

A Concellería de Benestar Social e Igualdade organiza un curso de mantemento básico de vehículos para mulleres

O Concello

E-Administración

Fene ao día

Entre nós

Contacto